Santiago 5:2 - Marahay na Bareta Biblia

² Lapa na an saindong mga kayamanan, nginotngot na an saindong mga gubing.

Santiago 5:2 ပူးပေါင်းရင်းမြစ်များ

An Libro ni Job 13:28

Huli kaiyan, naroronot ako siring sa lapang kahoy, arog sa gubing na ginagatob nin kino.

Salmo 39:11

An kasalan nin tawo pinapadusahan mo huli sa pagsagwe mo. Siring sa sarong bokbok rinaraot mo an mahalaga para saiya. Totoong an tawo kabaing sa sarong hinangos.

Isaias 50:9

An Kagurangnan Dios mismo an nagsusurog sako— siisay an makakapatotoo na may sala ako? Magkakawarara an gabos na nagsusumbong sako; mawawara sinda siring sa telang kinakan kan anay.

Isaias 51:8

mawawara sinda siring sa gubing na kinakan nin mga anay! Alagad an sakong kaligtasan magdadanay sagkod lamang; an sakong pagligtas para sa gabos na henerasyon.”

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Oseas 5:12

Raraoton ko an Israel asin roronoton ko an mga taga Juda.

Lukas 12:33

Pabakalan nindo an saindong mga rogaring asin an kabaklan kaiyan ilimos nindo sa mga dukha. Magtagama kamo nin mga pitaka na dai nagdadaan. Magtipon kamo nin kayamanan sa langit, ta duman dai nanggad iyan maiinaan, huli ta mayong parahabon na makakaduman, asin mayong bokbok na makakaraot kaiyan.

Santiago 2:2

Halimbawa naglaog sa saindong pagtiripon an sarong mayaman na nakasingsing nin bulawan saka nakagubing nin magayon, asin an sarong dukha na girisi an gubing.

1 Pedro 1:4

na makakamtan ta an pamana na itinagama nin Dios sa langit para sato, pamana na dai nalalapa, mayong digta asin dai naglulubad.