Santiago 5:19 - Marahay na Bareta Biblia

¹⁹ Mga tugang ko, kun an saro saindo nakasuhay sa katotoohan, dangan an saro saindo nakapabalik saiya,

Santiago 5:19 ပူးပေါင်းရင်းမြစ်များ

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

Mateo 18:15

“Kun an tugang mo nagkakasala saimo, kaolayon mo siya na kamo sanang duwa; itaram mo saiya an sala niya. Kun dangogon ka niya, marahay ta nagkaolian kamo.

Santiago 5:20

giromdomon nindo na an siisay man na nakapabalik sa sarong parakasala, makakaligtas kan kalag kan parakasalang iyan sa kagadanan, dangan makakatahob nin dakul na kasalan.

Lukas 22:32

Alagad, Simon, ipinamibi taka na dai magluya an saimong pagtubod, nganing pagbalik mo sako, pakosogon mo an saimong mga tugang.”

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

2 Pedro 3:17

Alagad kamo, mga tugang, aram na nindo an mga bagay na ini, kaya mag-ingat kamo tanganing dai kamo madara kan mga sala kan mga tawong maraot, dangan mahale sa ligtas na namumugtakan nindo ngunyan.

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

Ezekiel 34:4

Dai nindo pinakosog an mga maluluya, dai binolong an mga naghehelang, dai binugkosan an mga nalugadan, dai ibinalik an mga nalagalag, asin dai hinanap an mga nawara. Embes kaiyan ipinamate nindo sainda an saindong kakurihan saka kadahasan.

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

1 Timoteo 6:21

Igwang mga nagsabi na may “pakaaram” sinda, asin huli kaiyan nakasuhay sinda sa dalan nin pagtubod. Mapasaindo logod an biyaya nin Dios.

Mga Talinhaga 19:27

Aki ko, kun mag-ontok ka sa pag-adal, mapapabayaan mo ngapit an saimo nang naaraman.

Salmo 119:118

Isinisikwal mo an gabos na minalapas kan saimong mga katogonan; an saindang pandadaya mayong kamugtakan.

Salmo 119:21

Saimong tinutuyaw an mga mapaabaw-abaw, mga isinumpa, na naglalapas kan saimong mga pagboot.

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.

Santiago 3:14

Alagad kun sa puso nindo igwa nin pag-ori, kapaitan saka kapasloan, dai kamo mag-orgulyo asin dai kamo magkasala sa katotoohan.

2 Timoteo 2:18

na nagbaraya na kan dalan nin katotoohan. Pinapaluya ninda an pagtubod kan iba huli kan sinasabi ninda na an satong pagkabuhay liwat nakaagi na.

Hebreyo 5:2

Mahuyo niyang matitios an mga mangmang saka an mga nalalagalag huli ta siya igwa man nin mga kaluyahan.

Santiago 1:16

Dai kamo magpadaya, namomotan kong mga tugang!

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.