Santiago 5:16 - Marahay na Bareta Biblia

¹⁶ Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

Santiago 5:16 ပူးပေါင်းရင်းမြစ်များ

Genesis 19:29

Alagad kan tunawon nin Dios an mga syudad sa kapantayan na pinag-erokan ni Lot, nagiromdoman nin Dios si Abraham, asin itinugot niyang makaligtas si Lot.

Genesis 20:17

Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

2 Samuel 19:19

asin nagsabi, “Mahal na Hade, patawada ako kan ginibo kong sala saimo kan aldaw na maghale ka sa Jerusalem. Dai mo na logod idto giromdomon.

1 Mga Hade 13:6

Nagsabi si Hadeng Jeroboam sa propeta, “Ipakimaherak mo ako sa Kagurangnan na saimong Dios, asin ipamibi na maomayan an sakong takyag!” Nakimaherak sa Kagurangnan an propeta asin naomayan an takyag kan hade.

2 Mga Cronica 30:20

Dinangog nin Kagurangnan an pamibi ni Ezekias kaya dai niya pinadusahan an mga tawo.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Salmo 34:15

Binabantayan nin Kagurangnan an mga matanos asin dinadangog niya an saindang inagrangay;

Exodo 17:11

Mantang nakaitaas an mga kamot ni Moises, nanggagana an mga Israelita, alagad kun nakaibaba an saiyang mga kamot, nanggagana an mga Amalekita.

Exodo 9:33

Binayaan ni Moises an hade; nagduman siya sa luwas kan syudad, asin itinaas an saiyang mga kamot sa pagpamibi sa Kagurangnan. Dangan nag-ontok an daguldol, an yelo asin an uran.

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Mga Bilang 11:2

Nakimaherak an mga tawo ki Moises; namibi siya sa Kagurangnan asin napalsok an kalayo.

Mateo 21:22

Kun kamo magtubod, makakamtan nindo an anoman na hagadon nindo sa pamibi.”

Mateo 3:6

Itinuga ninda an saindang mga kasalan, dangan binunyagan sinda ni Juan duman sa Salog nin Jordan.

Markos 1:5

Nagduman sa pagdangog ki Juan an gabos na taga Judea saka taga Jerusalem. Itinuga ninda an saindang mga kasalan dangan binunyagan sinda ni Juan sa Salog nin Jordan.

Lukas 9:6

Naghale an mga disipulo asin nagduman sa mga baryo, naghuhulit kan Marahay na Bareta, saka nagbobolong kan mga naghehelang sa gabos na lugar.

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Mga Gibo 10:38

Aram man nindo kun paano itinao nin Dios ki Jesus na taga Nazaret an Espiritu Santo asin an kapangyarihan. Naglibot siya sa gabos na lugar, naggigibo nin marahay saka nagbobolong kan gabos na nasa irarom kan kapangyarihan kan Diablo, huli ta an Dios yaon saiya.

Mga Gibo 19:18

Dakul man sa mga paratubod an nagduman; ikinumpisal ninda nin hayag an maraot nindang gibo.

Mga Gibo 8:24

Nagsabi si Simon ki Pedro saka ki Juan, “Pamibian man ako sa Kagurangnan, tanganing dai mangyari sako an arin man sa mga sinabi nindo.”

Roma 3:10

Siring sa nasusurat, “Mayo nin sarong tawo na matanos,

Roma 5:19

Kun huli kan pagsuhay nin sarong tawo, kadakul kan nagin parakasala; dahel man kan pagkuyog nin sarong tawo, dakul an magigin matanos sa Dios.

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

1 Tesalonica 5:17

Mamibi kamo sa gabos na oras,

1 Tesalonica 5:23

Pakabanalon logod kamo nin lubos kan Dios nin katoninongan; magdanay logod kamong malinig asin daing digta sa espiritu, sa kalag, asin hawak, sagkod sa pagdatong ni Jesu-Cristo na satong Kagurangnan.

1 Tesalonica 5:25

Mga tugang, ipamibi man nindo kami.

Hebreyo 11:4

Huli sa pagtubod, nagdolot si Abel sa Dios nin mas marahay na atang ki sa atang ni Cain. Huli kan pagtubod ni Abel, inako siya nin Dios bilang matanos; bilang patotoo kaiyan, inako nin Dios an saiyang mga dolot. Gadan na si Abel, alagad huli kan saiyang pagtubod nagtataram pa siya.

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.

Hebreyo 12:13

Maglakaw kamo sa tanos na dalan, tanganing dai mag-orog an pagkapilay, kundi maomayan.

Hebreyo 13:18

Ipamibi nindo kami. Aram nyamo na malinig an samong konsyensya, nagmamawot na gibohon an matanos sa gabos na panahon.

Josue 10:12

Kan aldaw na itinao nin Kagurangnan sa mga Israelita an kapangganahan sa mga Amoreo, nakipag-olay si Josue sa Kagurangnan. Sa atubang kan mga Israelita nagsabi si Josue, “Aldaw, mag-ontok ka sa tangod kan Gibeon; Bulan, mag-ontok ka sa tangod kan Kapantayan nin Aijalon.”

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

1 Juan 3:22

Inaako ta an anoman na hagadon ta saiya, huli ta inootob ta an saiyang mga togon asin ginigibo ta an ikinakaogma niya.

1 Samuel 1:12

Mantang namimibi si Hanna sa Kagurangnan, pinagmamasdan ni Eli an saiyang ngoso.

1 Samuel 12:17

Bakong tig-init ngunyan? Alagad mamimibi ako, asin mapadara an Kagurangnan nin daguldol saka uran. Kun mangyari ini, saindong maaaraman na dakula an saindong pagkakasala tumang sa Kagurangnan kan hagadon nindo saiya an sarong hade.”

1 Samuel 12:18

Kaya namibi si Samuel, asin kan aldaw na idto nagpadara an Kagurangnan nin daguldol saka uran. Dangan nagkatarakot an mga tawo sa Kagurangnan saka ki Samuel.