Santiago 5:11 - Marahay na Bareta Biblia

¹¹ Inaapod tang paladan an mga nakatagal. Nadangog na nindo an dapit sa pagkamatinios ni Job; asin nahiling nindo an katuyohan nin Kagurangnan, na an Kagurangnan maboot saka maheherakon.

Santiago 5:11 ပူးပေါင်းရင်းမြစ်များ

1 Mga Cronica 21:13

Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

2 Mga Cronica 30:9

Huli ta kun magbalik kamo sa Kagurangnan, an saindong mga kadugo asin mga aki maheherakan kan mga nagbihag sainda, dangan papabalikon sinda sa dagang ini. Maugayon asin maheherakon an Kagurangnan na saindong Dios, kaya aakoon niya kamo kun magbalik kamo saiya.”

Nehemias 9:17

Habo sindang magkuyog, asin liningawan ninda an mga ngangalasan na ginibo mo para sainda. Sa kapaabaw-abawan pinili ninda an sarong lider, na madara sainda pabalik sa kaoripnan sa Egipto. Alagad ika sarong Dios na nagpapatawad; maugayon ka saka mamomoton, haloy bago maanggot asin mayaman sa pagkamoot, asin dai mo sinda pinabayaan.

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 1:2

Igwa siya nin pitong aking lalaki saka tolong aking babae,

An Libro ni Job 2:10

Nagsimbag si Job, “Garo ka lolong na babae kun magtaram! Tama daw na an marahay sana an akoon ta sa kamot nin Dios asin dai kita mag-ako nin kasakitan?” Maski nangyari ining kasakitan ki Job, mayo siyang sinabi na tumang sa Dios.

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

Salmo 103:13

Siring na an ama naheherak sa saiyang mga aki, an Kagurangnan naheherak man sa mga may pagkatakot saiya.

Salmo 103:8

Maheherakon an Kagurangnan asin maugayon, maluway sa pag-anggot, mayaman sa pagkamoot.

Salmo 116:5

An Kagurangnan maugayon asin matanos; maheherakon an satong Dios.

Salmo 119:132

Hilinga ako asin kaheraki siring kan saimong ginigibo sa mga namomoot saimo.

Salmo 145:8

An Kagurangnan maugayon asin maheherakon, maluya sa pag-anggot asin mayaman sa pagkamoot.

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Salmo 51:1

Kaheraki ako, O Dios, sosog sa danay mong pagkamoot. Sosog sa dakula mong pagkaherak, paraa an sakong mga kasalan!

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Salmo 94:12

Paladan an tawo na sinasagwe mo, Kagurangnan, an tinutukdoan mo kan saimong togon!

Exodo 34:6

Nag-agi an Kagurangnan sa atubangan niya asin nagtaram, “Ako, an Kagurangnan, iyo an Dios na maugayon asin maheherakon, an dai tolos naaanggot asin ipinapahiling ko an danay kong pagkamoot saka pagkamaimbod.

Parahulit 7:8

An kataposan kan sarong bagay orog na marahay ki sa kapinonan kaiyan. An pagkamatinios mas marahay ki sa kapaabaw-abawan.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Lukas 11:10

Huli ta an lambang naghahagad, maako; an naghahanap, makakakua; asin an nagtutuktok, binubuksan.

Lukas 6:36

Magin maheherakon kamo arog kan saindong Ama.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 2:4

Alagad nagsusupay an pagkaherak nin Dios, asin dakula an saiyang pagkamoot sato,

Hebreyo 10:39

Alagad bako kita kabilang sa mga tawong minasibog dangan nawawara, kundi kabilang sa mga tawong nagtutubod asin huli kaiyan makakaligtas.

Hebreyo 3:14

Huli ta kita magigin kahiras ni Cristo, kun papagdanayon tang pusog sagkod sa kataposan an pagsarig na dating yaon sato.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 1:2

Mga tugang ko, ikaogma nindo kun magkaigwa kamo nin manlaen-laen na pagbalo,

1 Pedro 1:13

Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.

1 Pedro 3:14

Alagad maski magtios kamo huli sa katanosan, magigin paladan kamo. Dai kamo matakot sa kiisay man; dai man kamo mahadit.

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.