Santiago 5:1 - Marahay na Bareta Biblia

¹ Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!

Santiago 5:1 ပူးပေါင်းရင်းမြစ်များ

Salmo 17:14

ligtasan ako kan saimong kamot, Kagurangnan, sa mga tawo na an kabtang sa buhay yaon digdi sa kinaban. Padusahan mo sinda kan mga pasakit na saimong inandam. May matada pa logod para sa saindang kaakian, asin para sa saindang kapagarakian.

Mga Talinhaga 11:28

An nananarig sa saiyang kayamanan mararakdag arog sa alang na dahon, alagad mag-uuswag an matanos arog sa berdeng tinanom.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 15:3

An mga tawo sa tinampo nakagubing nin sako; sa mga plasa asin sa atop nin mga harong, naghihibi saka nagmomondo an mga tawo.

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Ezekiel 19:2

Garo nanggad babaeng leon an saimong ina! Pinadakula niya an saiyang mga ogbon sa tahaw nin maringis na lalaking mga leon.

Ezekiel 30:2

“Aki nin tawo, magpropesiya ka asin ipahayag mo na ini an itinataram ko, an Kagurangnan Dios: Sarong aldaw na makatakot an nagdadangadang!

Joel 1:11

Kamong mga paraoma, pagmondo; paghibi, kamong paraataman nin mga ubasan, huli ta an trigo, an sebada, asin an gabos na tinanom nawara na nanggad.

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:5

Pagmata kamo asin pagtangis, kamong mga paraburat; paghibi, kamong mga parainom nin arak; raot na an mga ubas na gigibohon na bagong arak.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Santiago 1:11

Huli ta minasirang an aldaw kaiba an nakakatutong na init, asin naaalang an doot; an burak kaini nararakdag, dangan an kagayonan napapara. Siring kaiyan an mayaman: magagadan sa tahaw kan saiyang mga kasibotan.

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?

Santiago 4:13

Hinanyoga nindo ako, kamong mga nagsasabi, “Ngunyan na aldaw o sa aga, maduman kami sa siring na syudad; duman magnenegosyo kami sa laog nin sarong taon saka mapayaman kami.”

Santiago 4:9

Magmondo kamo, maghibi saka maghaya; maghibi kamo embes na magngisi, magmondo embes na mag-ogma.