Santiago 4:8 - Marahay na Bareta Biblia

⁸ Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

Santiago 4:8 ပူးပေါင်းရင်းမြစ်များ

Genesis 18:23

Nagrani si Abraham sa Kagurangnan asin naghapot, “Ipapadagos mo mananggad an pagtunaw sa mga matanos kaiba kan mga maraot?

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

An Libro ni Job 16:17

alagad dai ako nagkasala nin anoman na kadahasan, asin mayong pagsagin-sagin an sakong pamibi.

An Libro ni Job 17:9

An mga nagsasabing sinda iginagalang, orog na minatubod na sinda matanos.

An Libro ni Job 9:30

Mayong sabon na makakahugas kan sakong mga kasalan.

Salmo 119:113

Naoongis ako sa mga tawong bakong maimbod saimo, alagad an saimong katogonan namomotan ko.

Salmo 145:18

Harani siya sa gabos na minaapod saiya; sa gabos na minaapod saiya nin tudok sa puso.

Salmo 18:20

Binalosan ako nin Kagurangnan sosog sa sakuyang katanosan; benendisyonan niya ako huli ta mayo ako nin kasalan.

Salmo 24:4

An tawong malinig an mga kamot asin mabini an puso, an dai nagsasamba sa mga dios-dios, an dai naggigibo nin putik na panuga.

Salmo 26:6

Sakong mga kamot hinuhugasan ko sa pagpahiling na mayo ako nin kasalan; naglilibot ako sa altar sa pagsamba sa Kagurangnan,

Salmo 51:10

Pusong malinig lalanga sako, O Dios, sarong bago asin maimbod na espiritu ibugtak mo sako.

Salmo 73:13

Kun siring, mayo daw nin kahulogan an sakong pagkamalinig, asin an dai ko paggibo nin kasalan?

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Isaias 13:15

An siisay man na madakop sasaksakon sagkod na magadan.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Jeremias 4:11

Maabot an panahon na an mga taga Jerusalem sasabihan na may mainit na doros na mahoyop sainda hale sa desyerto. Bako iyan maluyang doros na mapalid sana kan ata,

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Mga Panambitan 3:57

Sinimbag mo ako asin sinabihan na dai matakot.

Ezekiel 18:31

Bayaan nindo an gabos na kasalan na naginibo nindo tumang sako, asin magkua kamo para saindo nin bagong puso saka bagong espiritu! Kamong mga Israelita, tadaw ta boot nindong magadan?

Zacarias 1:3

alagad sinasabihan ko kamo, ‘Magbalik kamo sako asin mabalik ako sa saindo.

Malakias 3:7

Kamo, siring kan saindong mga ginikanan na naenot saindo, nagtalikod sa sakong mga togon asin dai nindo iyan inotob. Magbalik kamo sako, asin mabalik man ako saindo. Alagad minahapot kamo, ‘Ano an kaipuhan ming gibohon tanganing makabalik sa saimo?’

Mateo 12:33

“An marahay na kahoy, marahay man an bunga; an maraot na kahoy, maraot man an bunga. An kahoy namimidbid sa bunga.

Mateo 15:2

“Tadaw ta linalapas kan mga disipulo mo an katukdoan na hale pa sa satong mga ginikanan? Dai sinda naghahanaw nin kamot bago magkakan!”

Mateo 27:24

Kan mahiling ni Pilato na dai siyang magiginibo, ata ngani orog na nagriribok an mga tawo, nagpakua siya nin tubig asin naghanaw kan saiyang mga kamot sa atubangan kan mga tawo. “Dai akong sala sa kagadanan kan tawong ini. Kabotan nindo ini!” an sabi niya.

Mga Gibo 15:9

Mayo siyang pinalaen, Judio o bako; lininigan niya an saindang mga puso huli sa pagtubod ninda ki Jesu-Cristo.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 7:19

huli ta an Katogonan ni Moises mayong natawan nin kapanoan, alagad tinawan kita ngunyan nin mas marahay na paglaom, na iyo an minadara sato harani sa Dios.

Santiago 1:8

huli ta an saiyang isip liwat-liwat dangan dai niya aram kun ano talaga an boot niya.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Pedro 3:21

An tubig na idto tanda kan bunyag na iyo an nagliligtas saindo ngunyan. An bunyag bakong paghugas kan ati sa hawak kundi sarong panuga sa Dios gikan sa malinig na konsyensya. Iliniligtas kamo kan bunyag sa paagi kan pagkabuhay liwat ni Jesu-Cristo.

1 Juan 3:3

An siisay man na igwa kan paglaom na ini ki Cristo nagdadanay na malinig, arog ki Cristo.

1 Samuel 14:35

Nagtugdok nin altar si Saul para sa Kagurangnan; iyo idto an enot na altar na saiyang ginibo.