Santiago 4:7 - Marahay na Bareta Biblia

⁷ Kaya magpasakop kamo sa Dios. Dai kamo magpadaog sa Diablo ta madulag siya saindo.

Santiago 4:7 ပူးပေါင်းရင်းမြစ်များ

2 Samuel 15:26

Alagad kun dai niya ako nawiwilihan, uya ako asin gibohon logod niya sako an pagmarahayon niya.”

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 68:30

Tuyawa an Egipto, an maringis na hayop na nag-eerok sa kabariwan; tuyawa an mga nasyon, an mga torong baka asin an saindang mga ogbon, sagkod na sinda magluhod asin magdolot saimo kan saindang mga plata. Iwarak mo an mga tawong namomoot sa pakigera.

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

Mga Gibo 26:19

“Kaya, O Hadeng Agripa, dai ako nagsuhay sa langitnon na bisyon na sakong nahiling.

Mga Gibo 9:6

Tumindog ka, magduman ka sa syudad, asin sasabihan ka duman kan dapat mong gibohon.”

Roma 10:3

Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Roma 14:11

Huli ta nasusurat, “Siring na ako an buhay na Dios, an sabi kan Kagurangnan, an lambang saro maluhod sa atubangan ko, an gabos magpapahayag na ako Dios.”

Efeso 4:27

Dai nindo pagtawan nin lugar an Diablo.

Efeso 5:21

Magkinuyog-kuyogan kamo bilang paggalang ki Cristo.

Efeso 6:13

Kaya isulot nindo an mga armas nin Dios, tanganing makatagal kamo kun umabot na an maraot na aldaw, asin pakatapos kan saindong pakilaban, pusog pa giraray kamo.

Hebreyo 12:9

Dinidisiplina kita kan satong mga ama sa daga kaya ginagalangan ta sinda. Ano pa daw kun kita magpasakop sa Ama na yaon sa langit ngani kitang mabuhay!

1 Pedro 2:13

Dahel sa Kagurangnan, magkuyog kamo sa mga opisyal kan gobyerno: ki Cesar, na iyo an pinakahalangkaw na awtoridad,

1 Pedro 5:6

Kaya magpakumbaba kamo asin magpasakop sa kapangyarihan nin Dios, tanganing ilangkaw niya kamo sa panahon na itinalaan niya.

1 Samuel 3:18

Kaya inistorya saiya ni Samuel an gabos; mayo siyang itinago. Dangan nagsabi si Eli, “Siya an Kagurangnan; gigibohon niya an pinaghohona niyang marahay.”