Santiago 4:6 - Marahay na Bareta Biblia

⁶ Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

Santiago 4:6 ပူးပေါင်းရင်းမြစ်များ

2 Mga Cronica 32:26

Sa kahuri-hurihi, nagpakumbaba si Ezekias asin an banwaan nin Jerusalem, kaya dai pinadusahan nin Kagurangnan an mga tawo mantang buhay pa si Ezekias.

2 Mga Cronica 33:12

Sa saiyang pagtios, nagin mapakumbaba siya sa Dios nin saiyang mga ginikanan asin naghagad nin tabang.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 34:27

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi. Ginisi mo an saimong gubing saka naghibi sa atubangan ko. Nadangog ko an saimong pamibi,

An Libro ni Job 22:29

Ibinababa nin Dios an mga mapalangkaw alagad iliniligtas niya an mga mapakumbaba.

Salmo 138:6

Huli ta maski ika yaon sa kaitaasan, an mapakumbaba saimong inaataman, alagad an mapaabaw-abaw, maski sa harayo saimong namimidbidan.

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Exodo 18:11

Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Mga Talinhaga 15:33

An pagkatakot sa Kagurangnan nagtutukdo nin kadonongan, asin an kapakumbabaan nagbubunga nin kaomawan.

Mga Talinhaga 18:12

Mapalangkaw an tawo kun dai pa naabot an kapahamakan, alagad an dalan pasiring sa kaomawan iyo an kapakumbabaan.

Mga Talinhaga 22:4

An balos sa kapakumbabaan asin pagkatakot sa Kagurangnan iyo an kayamanan, kaomawan, saka buhay.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Mga Talinhaga 3:34

An mga mapaabaw-abaw dai pinapahalagahan nin Kagurangnan, alagad an mga mapakumbaba saiyang naheherakan.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mateo 13:12

Huli ta an siisay man na igwa, tatawan pa nin dakul, tanganing orog pang magkaigwa. Alagad an siisay man na dai, kukuahon pa maski an kadikit na sadiri niya.

Mateo 23:12

Huli ta an nagpapakalangkaw, ibababa; an nagpapakumbaba, ilalangkaw.

Lukas 1:52

Pinababa niya sa mga trono an mga mapangyari, asin ilinangkaw an mga mapakumbaba.

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

Santiago 4:10

Magpakumbaba kamo sa atubang nin Kagurangnan, ta ilalangkaw niya kamo.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.