Santiago 4:3 - Marahay na Bareta Biblia

³ Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.

Santiago 4:3 ပူးပေါင်းရင်းမြစ်များ

1 Mga Hade 3:11

kaya nagsabi an Dios saiya, “Huli ta naghagad ka nin kadonongan tanganing maghade nin matanos, embes na halawig na buhay, o kayamanan, o kagadanan kan saimong mga kaiwal,

An Libro ni Job 35:12

Minaagrangay sinda, alagad dai siya minasimbag, huli ta mapalangkaw sinda asin maraot na mga tawo.

Salmo 18:41

Sinda nag-agrangay alagad mayong nagligtas; nag-apod sinda sa Kagurangnan, alagad dai niya sinda sinimbag.

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:13

An dai nagdadangog sa inagrangay nin dukha, mag-aagrangay man, alagad mayo saiya nin mahinanyog.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 11:14

Jeremias, dai mo ipagpamibi an mga tawong ini, ni ipakimaherak sinda sako, huli ta dai ko sinda dadangogon kun mag-apod sinda sako sa panahon kan saindang kasakitan.”

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Mateo 20:22

Sinimbag sinda ni Jesus, “Dai nindo aram kun ano an hinahagad nindo. Maiinom daw nindo an kalis na sakong iinomon?” Nagsimbag sinda, “Opo.”

Markos 10:38

Sinabihan sinda ni Jesus, “Dai nindo aram kun ano an hinahagad nindo. Makakainom daw kamo kan kalis na iinomon ko? Makakapabunyag daw kamo kan bunyag na aakoon ko?”

Lukas 11:10

Huli ta an lambang naghahagad, maako; an naghahanap, makakakua; asin an nagtutuktok, binubuksan.

Lukas 15:13

Pakalihis nin nagkapirang aldaw, ipinabakal kan ngohod an kahirasan niya dangan nagduman sa harayong lugar. Duman niya ginasto an kwarta sa maraot na pamumuhay.

Lukas 15:30

Alagad pagpuli kan aki mong iyan na nagsayang kan saimong pagsadiri sa mga maraot na babae, ipinabuno mo pa an pinatabang ogbon na baka!’

Santiago 4:1

Ano an ginigikanan kan mga gera asin mga pag-iriwal nindo? Bakong gikan iyan sa maraot nindong mga kamawotan na danay nagraralaban diyan sa saindo?

1 Juan 3:22

Inaako ta an anoman na hagadon ta saiya, huli ta inootob ta an saiyang mga togon asin ginigibo ta an ikinakaogma niya.

1 Juan 5:14

May pagsarig kita sa Dios na dadangogon niya kita kun minahagad kita saiya nin anoman sosog sa saiyang kabotan.