Santiago 4:2 - Marahay na Bareta Biblia

² Igwa kamong mga minamawot, alagad dai nindo iyan nakakamtan, kaya boot kamong manggadan; may naaaraan kamo alagad dai nindo iyan nakakamtan, kaya nakikiiwal saka nakikilaban kamo. Dai nindo nakakamtan an saindong mga minamawot huli ta dai nindo iyan hinahagad sa Dios.

Santiago 4:2 ပူးပေါင်းရင်းမြစ်များ

1 Mga Hade 21:6

Nagsimbag siya, “Huli kan sinabi sako ni Nabot. Inalok ko siya na babakalon ko an saiyang ubasan o kun boot niya riribayan ko saiya nin ibang ubasan. Alagad sinabihan niya ako na dai niya pwedeng itao sako an saiyang ubasan!”

Mga Talinhaga 1:19

Siring kaiyan an nangyayari sa kiisay man na nabubuhay sa kadahasan; an panghahabon iyo an magadan sa mahabon.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Isaias 7:12

Nagsimbag si Ahaz, “Dai ako mahagad nin tanda. Habo kong baloon an Kagurangnan.”

Habakkuk 2:5

Madaya an kayamanan. Mapalangkaw an mga tawong paslo saka dai napapamugtak—siring sa kagadanan na dai nababasog. Iyan an dahelan kun tano ta sinasakop ninda an mga nasyon.

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Juan 4:10

Nagsimbag si Jesus, “Kun aram mo sana an balaog nin Dios asin kun siisay an naghahagad saimo nin inomon, ika kutana an mahagad saiya. Tatawan ka kutana niya kan tubig na nagtatao nin buhay.”

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 5:6

Kinondenar nindo saka ginadan an mga tawong mayong sala, asin dai sinda minatumang saindo.

1 Juan 3:15

An siisay man na naoongis sa saiyang tugang, sarong paragadan, asin aram nindo na an sarong paragadan mayo nin buhay na daing kataposan.