Santiago 4:10 - Marahay na Bareta Biblia

¹⁰ Magpakumbaba kamo sa atubang nin Kagurangnan, ta ilalangkaw niya kamo.

Santiago 4:10 ပူးပေါင်းရင်းမြစ်များ

2 Mga Cronica 7:14

dangan magpakumbaba an sakong banwaan, mag-atubang sako, mamibi asin talikodan an saindang mga maraot na gibo, hale sa langit, dadangogon ko sinda, papatawadon an saindang kasalan asin papauswagon an saindang daga.

An Libro ni Job 22:29

Ibinababa nin Dios an mga mapalangkaw alagad iliniligtas niya an mga mapakumbaba.

An Libro ni Job 5:11

ilinalangkaw niya an mga mapakumbaba, asin an mga nagmomondo tinatawan niya nin kaogmahan.

Salmo 113:7

Hale sa alpog binabangon niya an dukha; hale sa basurahan binabangon niya an mga daing sukat,

Salmo 147:6

Binabangon nin Kagurangnan an mga dukha, alagad an tampalasan rinoronot niya sa daga.

Salmo 27:6

Kaya dadaogon ko an sakong mga kaiwal na nakapalibot sako. Magdodolot ako nin mga sakripisyo sa saiyang Templo kaiba an kinurahaw nin kaogmahan; mag-aawit ako, mag-oomaw sa Kagurangnan.

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Salmo 30:1

Oomawon taka, Kagurangnan, huli ta ilinigtas mo ako asin dai mo itinugot na pagngisihan ako kan sakong mga kaiwal.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Ezekiel 21:26

Ako, an Kagurangnan Dios, an nagtaram: Halea an saimong turban asin an saimong korona. Mababago an gabos na bagay. Iiitaas an mapakumbaba asin ibababa an mga mapalangkaw!

Mateo 23:12

Huli ta an nagpapakalangkaw, ibababa; an nagpapakumbaba, ilalangkaw.

Lukas 1:52

Pinababa niya sa mga trono an mga mapangyari, asin ilinangkaw an mga mapakumbaba.

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

1 Pedro 5:6

Kaya magpakumbaba kamo asin magpasakop sa kapangyarihan nin Dios, tanganing ilangkaw niya kamo sa panahon na itinalaan niya.

1 Samuel 2:7

An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.