Santiago 3:9 - Marahay na Bareta Biblia

⁹ Ginagamit ta iyan sa pag-omaw sa satong Kagurangnan asin Ama, siring man sa pagmuda kan satong kapwa, na linalang na kabaing nin Dios.

Santiago 3:9 ပူးပေါင်းရင်းမြစ်များ

Genesis 5:1

Iyo ini an mga kapagarakian ni Adan. (Kan lalangon nin Dios an katawohan, ginibo niya sindang arog sa saiya.

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

2 Samuel 16:5

Pag-abot ni Hadeng David sa Bahurim, nagluwas sa pagsabat saiya an saro sa mga kadugo ni Saul, na an ngaran Simei, na aking lalaki ni Gera. Minamaldisyon niya si David mantang naglalakaw

2 Samuel 19:21

Nagsabi si Abisai na aking lalaki ni Zeruias, “Dapat gadanon si Simei huli ta minaldisyon niya an linahidan nin Kagurangnan bilang hade.”

1 Mga Cronica 29:10

Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

1 Mga Cronica 29:20

Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

Salmo 10:7

An saiyang ngoso pano nin maldisyon, kaputikan asin pang-aapi; sa dila niya yaon an karibokan asin karatan.

Salmo 108:1

Andam an puso ko, O Dios, andam an puso ko, sa pag-awit asin pag-omaw saimo! Pagmata, O kalag ko!

Salmo 145:1

Oomawon taka, sakuyang Dios asin hade; magpapasalamat ako saimo sagkod pa man.

Salmo 145:21

An sakong ngoso maomaw sa Kagurangnan, an saiyang banal na ngaran omawon logod kan gabos na linalang sa panahon na daing kasagkoran.

Salmo 16:9

Kaya nag-oogma an sakong puso asin kalag; nasa katiwasayan man an sakong hawak,

Salmo 30:12

Kaya dai ako maontok; mag-aawit ako nin pag-omaw saimo. Kagurangnan kong Dios, magpapasalamat ako saimo sagkod pa man.

Salmo 34:1

Danay akong magpapasalamat sa Kagurangnan; dai ako maontok sa pag-omaw saiya.

Salmo 35:28

Dangan ipapahayag ko an saimong katanosan asin kaomawan sa bilog na aldaw.

Salmo 51:14

Ligtasan ako, O Dios, sa kagadanan, ika na Dios nin sakuyang kaligtasan, asin an sakong dila mag-aawit kan saimong katanosan.

Salmo 57:8

Pagmata, O kalag ko! Pagmata, sakong arpa asin lira! Pupukawon ko an kaagahon.

Salmo 59:12

Huli kan kasalan sa saindang mga ngoso, kan mga tataramon na gabos maraot, madakop logod sinda sa saindang kapaabaw-abawan. Huli kan saindang mga pagmaldisyon saka pagputik,

Salmo 62:4

Boot sana nindong ibaba siya hale sa halangkaw niyang kamugtakan; ikinakaogma nindo an kaputikan. Nagbebendisyon kamo sa paagi kan saindong mga ngoso, alagad nagmamaldisyon sa saindong mga puso.

Salmo 63:4

Pasasalamatan taka mantang buhay ako; iitaas ko an sakong mga kamot asin aapodon ko an saimong ngaran.

Salmo 71:24

Bilog na aldaw an sakong dila magtataram kan saimong katanosan, huli ta nawaran nin dangog asin nasopog, an mga nagmamawot magtao sako nin kulog.

Parahulit 7:22

aram mong dakul na beses mo man na minaldisyon an ibang tawo.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Mateo 26:74

Dangan nagsimbag si Pedro, “Magadan man ako, talagang dai ko midbid an tawong iyan!” Pakataram niya kaini, nagturaok an manok.

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

Mga Gibo 2:26

Kaya naogma an puso ko, an sakong mga tataramon pano nin kaogmahan; asin an sakong laman mapahingalo na may paglaom;

Roma 3:14

pano nin muda asin malalanit na tataramon an ngabil ninda.

1 Corinto 11:7

An lalaki dai dapat magsuklob, huli ta siya an ladawan asin kamurawayan nin Dios; alagad an babae iyo an kamurawayan nin lalaki;

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.

Santiago 3:10

Mga pag-omaw asin pagmuda minaluwas sa saro sanang ngoso. Dai dapat ini mangyari, mga tugang ko.

1 Pedro 1:3

Pag-omawon an Dios, Ama ni Jesu-Cristong Kagurangnan ta! Huli kan saiyang dakulang pagkaherak, tinawan niya kita nin bagong buhay huli kan pagkabuhay liwat ni Jesu-Cristo sa mga gadan. Ini an nagtatao sato nin buhay na paglaom,

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.