Santiago 3:8 - Marahay na Bareta Biblia

⁸ alagad mayo pa nin tawong nakapagaro kan dila. Iyan sarong maraot na dai nag-oontok, pano nin hudong na nakakagadan!

Santiago 3:8 ပူးပေါင်းရင်းမြစ်များ

Salmo 140:3

Matarom an saindang dila siring kan sa halas; marara an saindang tataramon siring sa kamandag kan kobra.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 58:4

May kamandag sinda arog kan sa halas, sineserahan an saindang talinga arog kan bongog na kobra,

Salmo 59:7

Hilinga kun paano sinda minakurahaw; an saindang dila garo mga espada sa saindang ngoso; naghohona sindang mayo nin nakakadangog.

Mga Talinhaga 17:20

An may bikong kaisipan dai minauswag, asin an putikon nahuhulog sa karatan.

Parahulit 10:11

Mayong halaga an pakaaram mong magdakop nin halas, kun pabayaan mong kagaton ka ngona kaiyan.

Roma 3:13

An saindang halonan sarong bukas na lulubngan, ginagamit ninda an saindang dila sa pagdaya. Mga mararang tataramon, na garo rara nin halas, an nagluluwas sa saindang ngoso;

Deuteronomio 32:33

siring sa arak na ginibo hale sa kamandag nin mga halas.

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

Santiago 3:7

Napapagaro kan tawo asin napagaro na an ibang mga linalang—mga lalaw na hayop saka mga gamgam, mga nagkakamang na hayop asin mga sira—

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.