Santiago 3:2 - Marahay na Bareta Biblia

² Kita gabos nakakaginibo nin mga sala. An tawong dai nasasala sa saiyang pagtaram sarong tawong perpekto; nakakapugol man siya kan saiyang bilog na pagkatawo.

Santiago 3:2 ပူးပေါင်းရင်းမြစ်များ

1 Mga Hade 8:46

“Kun magkasala sinda saimo, huli ta mayo nin tawo na dai nagkakasala, asin sa kaanggotan pabayaan mo sindang madaog saka mabihag kan saindang mga kaiwal sa harayo o haraning lugar,

2 Mga Cronica 6:36

“Kun magkasala sinda tumang saimo—huli ta mayo nin tawo na dai nagkakasala—asin sa kaanggotan pabayaan mo sindang madaog kan kaiwal kaya nadara sindang bihag sa ibang daga,

An Libro ni Job 15:13

Naaanggot ka sa Dios asin kinondenar mo siya.

Salmo 34:13

Pugolan nindo an saindong dila sa pagtaram nin karatan, asin an saindong ngoso sa pagtaram nin kaputikan.

Salmo 39:1

Ako nagsabi, “Mamaanan ko an sakong mga gawe, tanganing dai magkasala an sakuyang dila. Pupugolon ko an sakuyang ngoso, mantang an mga maraot nasa atubang ko.”

Mga Talinhaga 10:19

Kun mas dakul an tataramon, dakul man an kasalan; an igwa nin marahay na isip, bakong matinaram.

Mga Talinhaga 13:3

An maingat magtaram nag-iingat man kan saiyang buhay, alagad an bakong maingat nagraraot kan sadiri niyang buhay.

Mga Talinhaga 20:9

Siisay an makakasabi na malinig an saiyang puso, asin mayo siya nin kasalan?

Mga Talinhaga 21:23

Kun boot mong makalikay sa ribok, mag-ingat ka sa pagtaram.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Levitico 13:39

hihilingon siya kan padi. Kun an mga putak-putak bako man maputi nin marahay, mga panaw sana iyan; malinig an tawong iyan.

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

Mateo 12:37

Huli ta kamo papatawadon o papadusahan sosog sa saindong mga itinaram.”

Roma 3:10

Siring sa nasusurat, “Mayo nin sarong tawo na matanos,

Roma 7:21

Nasabotan ko na an nangyayari sako iyo ini: kun boot kong maggibo nin marahay, an maraot harani sako.

1 Corinto 9:27

Pinapasakitan ko an sakong hawak saka pinapasuko ko iyan, ta tibaad pakatapos na maghulit ako sa iba, ako logod an isikwal.

Galacia 3:22

Alagad nasasabi sa kasuratan na an bilog na kinaban nasa kapangyarihan nin kasalan; kaya, an ipinanuga nin Dios huli sa pagtubod ki Jesu-Cristo, itinatao sa mga tawong igwa nin pagtubod.

Galacia 5:17

Huli ta an mga kamawotan kan laman tumang sa Espiritu; an mga kamawotan kan Espiritu tumang sa laman. Magkasarungat an duwang ini. Kaya dai ta masusunod an boot tang gibohon.

Colosas 1:28

Kaya ipinaghuhulit mi si Cristo sa gabos na tawo. Pinapatanidan saka tinutukdoan mi an gabos sa bilog ming kadonongan tanganing ikaatubang mi sa Dios an lambang tawo na tunay na banal ki Cristo.

Colosas 4:12

Kinokomusta kamo ni Epafras, na saro pang kaayon kan grupo nindo, asin sorogoon ni Cristo Jesus. Danay niyang ipinapamibi nin maigot na kamo magin masarig, mayo nin pagduwa-duwa sa pagtubod asin andam na magkuyog sa kabotan nin Dios.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.

Santiago 1:26

An naghohona na siya maki-Dios, alagad dai tataong magpugol kan saiyang dila, nagdadaya sa sadiri niya; an saiyang pagkamaki-Dios mayong halaga.

Santiago 1:4

Magdanay kamong matinios sagkod sa kataposan, tanganing magkaigwa kamo kan bilog na kapanoan, banal asin mayong kakulangan.

Santiago 2:10

An siisay man na naglalapas kan saro sanang pagboot, naglalapas kan gabos na togon.

1 Pedro 3:10

Siring sa nasusurat, “An siisay man na nagmamawot nin marahay na buhay asin nin maogmang mga aldaw, dapat maglikay sa pagtaram nin maraot, saka dai magputik.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.