Santiago 3:17 - Marahay na Bareta Biblia

¹⁷ Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

Santiago 3:17 ပူးပေါင်းရင်းမြစ်များ

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

1 Mga Cronica 22:12

Tawan ka logod nin Kagurangnan na saimong Dios nin kadonongan asin pakasabot, tanganing kun gibohon ka na niyang hade nin Israel, maotob mo an saiyang mga togon.

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

An Libro ni Job 28:12

Alagad saen makukua an kadonongan? Saen kita makakanood nin pakasabot?

An Libro ni Job 28:23

“An Dios sana an nakakaaram kan dalan, asin siya an tatao kun saen makukua an kadonongan.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Exodo 36:2

Inapod ni Moises si Bezalel, si Oholiab asin an iba pang ekspertong lalaki na tinawan nin Kagurangnan nin kakayahan asin boot na magtabang, dangan sinabihan na magpoon nang magtrabaho.

Mga Talinhaga 2:6

Huli ta an Kagurangnan iyo an nagtatao nin kadonongan; siya an nagtutukdo nin pakaaram asin pakasabot.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 32:6

An sarong lolong nagtataram nin kalolongan asin nag-iisip nin karatan; an sinasabi saka ginigibo niya anas pag-olog-olog sa Kagurangnan; dai niya pinapakakan an nagugutom o pinapainom an napapaha.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Malakias 2:9

Kaya ako, sa pagbalos, magtugot na kaongisan kamo kan banwaan nin Israel huli ta dai nindo kinuyog an sakong kabotan; may pinapalaen kamo kun nagtutukdo kamo sa sakong banwaan.”

Malakias 3:3

Maabot siya sa paghukom siring sa sarong naglilinig asin nagpapagayon nin plata. Siring na linilinigan nin sarong alahero an plata saka bulawan, lilinigan man kan sugo nin Kagurangnan an mga padi, tanganing magdara sinda sa saiya kan tamang mga dolot.

Mateo 23:28

Siring man kamo kaiyan, sa luwas malinig paghilingon, alagad sa laog pano nin pagsagin-sagin asin mga karatan.

Mateo 5:8

“Paladan an mga malinig an puso, huli ta mahihiling ninda an Dios!

Mateo 5:9

“Paladan an mga parapatoninong huli ta aapodon sindang mga aki nin Dios!

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Lukas 6:36

Magin maheherakon kamo arog kan saindong Ama.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Mga Gibo 11:24

Marahay na tawo si Bernabe, pano nin Espiritu Santo asin nin pagtubod. Kaya dakul na tawo an nadara niya sa Kagurangnan.

Mga Gibo 9:36

Duman naman sa Jope, igwa nin sarong babaeng paratubod na an ngaran Tabita. (Dorcas an saiyang ngaran sa Griyego, na an boot sabihon, “sarong usa.”) An gabos niyang panahon ginagamit niya sa paggibo nin karahayan asin sa pagtabang sa mga dukha.

Roma 12:18

Sagkod sa makakaya nindo, mamuhay kamong matoninong sa kaibahan nin gabos na tawo.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Roma 15:14

Mga tugang, naniniwala ako na kamo talagang marahay na mga tawo, pano nin pakasabot asin tataong maghinulitan.

1 Corinto 12:8

Sa saro itinatao nin Dios sa paagi kan Espiritu Santo an kakayahan na magpahayag nin mensaheng pano nin kadonongan; sa saro, an mensaheng pano nin pakaaram sa paagi kan parehong Espiritu.

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

2 Corinto 6:6

Ipinahiling mi man na mga sorogoon kami nin Dios sa paagi kan samong kabinian, pakasabot, pagkamatinios asin pagkamaboot; siring man sa paagi kan Espiritu Santo, kan samong dalisay na pagkamoot,

2 Corinto 7:11

Hilinga kun ano an nagin bunga kan kamondoan na hale sa Dios: nagin kamong mahigos saka maigot sa pagpatotoo na mayo kamo nin sala. Naanggot kamo, nahandal, nagmawot, naghinigos asin naghingowa na mapadusahan an nagkasala. Kaya ipinahiling nindo na mayo kamo nin sala sa bagay na ini.

2 Corinto 9:10

An Dios, na nagtatao nin banhi sa paratanom saka nin tinapay bilang kakanon, iyo man an matao saindo kan gabos na banhi na kaipuhan nindo. Papataluboon niya iyan, tanganing dakul an magin bunga kan saindong pagkamatinao.

Efeso 5:9

huli ta an bunga nin liwanag makukua sa lambang karahayan, katanosan, saka katotoohan.

Filipos 1:11

Mapapano an buhay nindo kan mga bunga nin katanosan na minaabot huli ki Jesu-Cristo, sa kamurawayan asin sa kaomawan nin Dios.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

1 Tesalonica 2:7

maski pwede kutanang hagadon mi iyan saindo bilang mga apostol ni Cristo. Maboboot kami kan yaon saindo, siring sa sarong ina na nag-aataman kan saiyang mga aki.

1 Timoteo 5:21

Sa atubang nin Dios asin ni Cristo Jesus, patin kan mga banal na anghel, pinagbobotan taka na otobon an mga pagsusundon na ini na mayong pinapalaen o pinapaorog.

2 Timoteo 2:24

An sorogoon nin Kagurangnan bakong parapakiiwal. Dapat siyang magin maboot sa gabos na tawo, marahay na paratukdo asin matinios,

Tito 1:15

Para sa mga tawong malinig an isip, an gabos malinig; alagad para sa mga maati an isip asin dai nagtutubod, an gabos maati, huli ta nadigtaan an saindang mga isip asin konsyensya.

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

Hebreyo 12:11

Kun kita pinapadusahan, makulog iyan para sa sato saka ikinakamondo ta iyan; alagad ngapit, idtong nagpakanood huli sa siring na panuga, magkakamit nin katoninongan, bunga kan matanos na pamumuhay.

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Santiago 2:4

may pinapalaen kamo asin naghuhukom kamo na gikan sa maraot na kaisipan.

Santiago 3:15

An siring na kadonongan bakong hale sa langit kundi sa kinaban, sa laman asin sa demonyo.

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Pedro 2:1

Kaya halea nindo an gabos na karatan; an gabos na kaputikan, pagsagin-sagin, pagkaori asin pagpakaraot.

1 Pedro 2:18

Mga sorogoon, kuyogon nindo asin galangan an saindong mga kagurangnan, bako sana an mga maboot saka mga mahuyo, kundi man an mga makuri.

1 Juan 3:18

Mga aki ko, an satong pagkamoot dapat na bako sanang sa mga tataramon o sa ngoso, kundi sa gibo asin sa katotoohan.

1 Juan 3:3

An siisay man na igwa kan paglaom na ini ki Cristo nagdadanay na malinig, arog ki Cristo.