Santiago 3:13 - Marahay na Bareta Biblia

¹³ Siisay an madonong saka may pakasabot diyan saindo? Huli kan matanos niyang pamumuhay, patotoohan niya iyan sa paagi kan saiyang mga gibo, sa kapakumbabaan asin kadonongan.

Santiago 3:13 ပူးပေါင်းရင်းမြစ်များ

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 107:43

Isipon logod kan mga madonong an mga bagay na ini; akoon logod ninda an danay na pagkamoot nin Kagurangnan.

Salmo 122:8

Huli sa mga tugang ko asin mga kairiba, ako minasabi sa Jerusalem, “An katoninongan mapasaimo!”

Salmo 149:4

Ikinakaogma nin Kagurangnan an saiyang banwaan; an mapakumbaba tinatawan niya nin kapangganahan.

Salmo 25:9

An mapakumbaba dinadara niya sa tamang agihan, asin pinapasabot kan saiyang kabotan.

Salmo 45:4

Sa saimong kamurawayan lumuwas kang mapanggana sa pagsurog sa katotoohan asin sa katanosan! Mga dakulang panggana makakamtan mo huli kan saimong kosog!

Parahulit 8:1

An madonong sana an nakakasabot kan tunay na kahulogan kan mga bagay. An kadonongan iyo an nakakapaliwanag kan saiyang lalawogon asin nakakapara kan mga korondot sa saiyang angog.

Parahulit 8:5

An minakuyog kan kabotan kan hade dai namumugtak sa pag-alaman; an sarong madonong na tawo nakakaaram kan paagi asin kun nuarin gibohon iyan.

Isaias 29:19

An mga dukha asin an mga mapakumbaba magkakamit kan kaogmahan na itinatao nin Kagurangnan, an banal na Dios nin Israel.

Isaias 60:6

Kadakul na kamelyo an madatong hale sa Midian saka sa Efa. Madatong sinda hale sa Sheba, na nagdadara nin bulawan saka insenso. Magpapahayag an mga tawo kan marahay na bareta, kun ano an ginibo nin Kagurangnan!

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Sofonias 2:3

Magbalik kamo sa Kagurangnan, kamo gabos na mapakumbabang namamanwaan kan daga, na nag-ootob kan saiyang mga pagboot. Giboha nindo an matanos, asin magpakumbaba kamo sa atubang nin Kagurangnan, ta tibaad madulagan nindo an padusa sa aldaw na ipahiling nin Kagurangnan an saiyang kaanggotan.

Mga Bilang 12:3

Si Moises sarong tawong orog na mapakumbaba ki sa kiisay man na nabubuhay sa kinaban.)

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

Mateo 21:5

“Sabihan nindo an syudad nin Sion, Hilinga, an saimong hade madatong saimo. Siya mahuyo saka nakalunad sa sarong asno, asin sa sarong torilyong ogbon nin asno.”

Mateo 5:5

“Paladan an mga mahuyo, huli ta sinda an magmamana kan daga!

Mateo 7:24

“An nagdadangog asin nagkukuyog kaining mga itinaram ko nakakaagid sa madonong na tawong nagtugdok kan harong niya sa gapo.

1 Corinto 6:5

Masopog kamo! Ano, mayo diyan saindo nin maski saro na tataong maghusay kan iriwal nin magturugang?

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

2 Corinto 8:24

Kaya patotoohan nindo an saindong pagkamoot sainda, tanganing an gabos na simbahan makaaram kaiyan saka makasabot na talagang tama kami na ipag-orgulyo kamo.

Galacia 5:23

kahoyoan saka pagpugol sa sadiri. Mayo nin katogonan tumang sa mga bagay na ini.

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

Galacia 6:4

An lambang saro dapat na magsiyasat kan sadiri niyang gawe. Kun iyan marahay, pwede niyang ipag-orgulyo an ginibo niya; dai na kaipuhan ipagbaing pa iyan sa ginibo nin iba.

Efeso 4:2

Magpakumbaba kamo, magin mahuyo asin matinios; magpatinios-tiosan kamo sa pagkamoot.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

1 Timoteo 4:12

Dai mo pagtugotan an siisay man na pagbasang-basangon an saimong pagkanihoben, kundi magin kang arogan kan mga paratubod sa saimong pagtaram, sa gibo, sa pagkamoot, pagtubod, saka kabinian.

1 Timoteo 6:11

Alagad ika na tawong sadiri nin Dios, maglikay ka sa gabos na bagay na ini. Hingowahon mo an katanosan, kabanalan, pagtubod, pagkamoot, pakatagal, asin kahoyoan.

2 Timoteo 2:25

patin mahuyo maski kun nagsasagwe kan saiyang mga kalaban, huli ta tibaad pa tawan sinda nin Dios nin oportunidad na makapagbakle saka makamidbid kan katotoohan.

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.

Santiago 2:18

Alagad igwa nin masabi, “Igwa ka nin pagtubod; ako igwa nin gibo.” An sakuyang simbag iyo ini: “Pahilingan sako kun paanong magkaigwa ka nin pagtubod na mayo nin gibo; ipapahiling ko man saimo an sakuyang pagtubod sa paagi kan sakong mga gibo.”

Santiago 3:1

Mga tugang ko, dai dapat na magkaigwa diyan saindo nin dakul na paratukdo, huli ta aram nindo na kaming mga paratukdo huhukoman nin orog na makuri ki sa iba.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.

1 Pedro 1:15

Kundi mamuhay kamong tunay na banal, huli ta banal an Dios na nag-apod saindo.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

1 Pedro 3:4

Kundi magkaigwa kamo nin kagayonan na hale sa saindong puso, kaiba an dai mawawarang kayamanan nin sarong mahuyo asin matoninong na espiritu, na iyo an pinakamahalaga sa atubang nin Dios.