Santiago 2:5 - Marahay na Bareta Biblia

⁵ Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

Santiago 2:5 ပူးပေါင်းရင်းမြစ်များ

1 Mga Hade 22:28

Nagsabi si Micaias, “Kun makabalik kang ligtas sa pag-alaman, an Kagurangnan dai mananggad nagtaram sa paagi ko!” Asin nagsabi pa siya, “Pagdangog kamo gabos!”

An Libro ni Job 34:10

“Kaya dangoga nindo ako, kamong mga lalaking may pakasabot! Magibo daw an Makakamhan na Dios nin karatan?

An Libro ni Job 34:19

na dai nagpapahiling nin pagpapalaen sa mga prinsipe, ni minapaorog sa mayaman ki sa dukha, huli ta gabos sinda gibo kan saiyang mga kamot?

An Libro ni Job 38:14

Huli sa saldang kan aldaw nahahayag an mga bulod saka mga kapantayan arog kan mga tiklop sa gubing, malinaw siring kan marka nin sarong selyo na idinoon sa laboy.

Exodo 20:6

Alagad ipinapahiling ko an danay kong pagkamoot sa rinibong henerasyon kan mga namomoot sako asin nag-ootob kan sakong mga togon.

Mga Talinhaga 13:7

May tawong nagsasagin-sagin na mayaman, alagad mayo nin anoman; dangan may nagsasagin-sagin na dukha, alagad igwa nin dakulang kayamanan.

Mga Talinhaga 7:24

Kaya ngunyan, mga aki ko, hinanyoga nindo ako. Himatea nindo nin marahay an mga tataramon ko.

Mga Talinhaga 8:32

“Kaya ngunyan, mga aki ko, hinanyoga nindo ako. Giboha nindo an sinasabi ko, asin magigin maogma kamo.

Isaias 14:32

Paano ta sisimbagon an mga sugo na minaabot sato hale sa Filistia? Sasabihan ta sinda na an Kagurangnan an nagpamugtak sa Sion asin nakakakua nin kaligtasan diyan an saiyang nagtitios na banwaan.

Isaias 29:19

An mga dukha asin an mga mapakumbaba magkakamit kan kaogmahan na itinatao nin Kagurangnan, an banal na Dios nin Israel.

Sofonias 3:12

Iwawalat ko sa tahaw nindo an sarong mapakumbabang banwaan na madolok sako sa paghagad nin tabang.

Zacarias 11:11

Kaya nawaraan nin halaga an tipan kan aldaw na idto. An mga nagbabakal saka nagpapabakal nin karnero naghihiling sako, asin aram ninda na nagtataram an Kagurangnan huli sa mga ginibo ko.

Zacarias 11:7

Inalok ako kan mga tawong nagbabakal saka nagpapabakal nin karnero, kaya nagin pastor ako kan mga karnero na bubunoon. Nagkua ako nin duwang sugkod; an saro inapod kong “Biyaya” asin an ikaduwa inapod kong, “Pagkasararo.” Dangan inataman ko an mga karnero.

Mateo 11:5

an mga buta nakakahiling, an mga pilay nakakalakaw, an mga daoton nalilinigan, an mga bongog nakakadangog, an mga gadan nabubuhay liwat, asin an Marahay na Bareta ipinaghuhulit sa mga dukha.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Mateo 5:3

“Paladan an mga dukha sa espiritu, huli ta sainda an Kahadean nin langit!

Markos 7:14

Pinarani giraray ni Jesus an mga tawo dangan sinabihan, “Dangoga saka sabota nindo gabos an sasabihon ko saindo.

Lukas 12:21

Nagtaram pa si Jesus, “Siring kaiyan an mangyayari sa mga nagtitipon nin kayaman para sa sainda man sana, alagad bakong mayaman sa atubang nin Dios.”

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Lukas 16:22

Nagadan an dukha asin dinara siya kan mga anghel sa kataed ni Abraham. Nagadan man an mayaman saka ilinubong.

Lukas 16:25

Alagad sinabihan siya ni Abraham, ‘Aki ko, giromdoma na kan nabubuhay ka pa sa daga, nakamtan mo an gabos na kaginhawahan, mantang si Lazaro anas pagtios. Ngunyan nasa kaginhawahan siya digdi mantang ika nagtitios.

Lukas 22:29

Kaya siring na tinatagamahan ako kan sakong Ama nin sarong Kahadean, tinatagamahan ko man kamo nin lugar;

Lukas 6:20

Hiniling ni Jesus an saiyang mga disipulo asin nagsabi, “Paladan kamong mga dukha, huli ta saindo an Kahadean nin Dios!

Juan 7:48

“May naaraman kamong lider o Fariseo na nagtubod saiya?

Mga Gibo 7:2

Nagsimbag si Esteban, “Mga tugang saka mga magurang, himatea nindo ako! An Dios nin kamurawayan nagpahiling sa satong ginikanan na si Abraham kan yaon pa siya sa Mesopotamia, bago siya nag-erok sa Haran.

Roma 8:17

Huli ta kita mga aki niya, kita mga paramana nin Dios asin kapwa paramana kaiba ni Cristo. Huli ta kun kaiba kita ngunyan sa kasakitan ni Cristo, makakaiba man kita sa saiyang kamurawayan.

1 Corinto 2:9

Alagad siring sa nasusurat, “An dai pa lamang nahiling o nadangog nin tawo, an dai pa lamang naisip kan tawo na pwedeng mangyari, iyo an inandam nin Dios para sa mga namomoot saiya.”

2 Corinto 4:15

An gabos na ini para sa karahayan nindo, tanganing sa pagdakul kan mga naaabot kan biyaya nin Dios, orog na magdakul man an magpapasalamat para sa kamurawayan nin Dios.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.

Efeso 1:18

Hinahagad ko na maliwanagan an isip nindo tanganing manodan nindo kun ano an paglaom na inapodan niya saindo, kun ano an nagsusupay na biyaya na ipinanuga niya sa saiyang mga banal,

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

1 Tesalonica 2:12

Pinakosog mi an boot nindo, rinanga mi kamo saka sinadol na mamuhay na maninigo sa Dios na nag-aapod saindo pasiring sa saiyang Kahadean asin kamurawayan.

2 Tesalonica 1:5

An mga bagay na ini nagpapahiling na matanos an paghukom nin Dios, tanganing magkanigo kamo kan Kahadean nin Dios na iyo an dahelan kan pagtios nindo.

1 Timoteo 6:18

Pagbotan mo sinda na magin marahay, magin mayaman sa marahay na mga gibo, magin matinao saka matinabang.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Hebreyo 11:26

Aram niya na an pagtios nin pag-olog-olog para ki Cristo mas mahalaga ki kan gabos na kayamanan sa Egipto, huli ta pinaglalaom niya an balos sa maabot na panahon.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 1:16

Dai kamo magpadaya, namomotan kong mga tugang!

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 1:9

An tugang na dukha dapat na mag-ogma kun ilinalangkaw siya nin Dios;

1 Pedro 1:4

na makakamtan ta an pamana na itinagama nin Dios sa langit para sato, pamana na dai nalalapa, mayong digta asin dai naglulubad.

2 Pedro 1:11

Sa paaging ini papalaogon kamo sa daing kataposan na Kahadean kan satong Kagurangnan asin Paraligtas na si Jesu-Cristo.

Kapahayagan 2:9

Aram ko an saimong mga kasakitan; aram ko na ika dukha—alagad sa katunayan mayaman ka! Aram ko an mga pakaraot saimo kan mga nagsasabi na sinda mga Judio, na bako man totoo, kundi sa katunayan sarong sinagoga ni Satanas!

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.

Kapahayagan 3:18

Kaya hinahatolan taka na bumakal ka sako nin purong bulawan, tanganing magyaman ka. Bumakal ka man nin puting gubing tanganing may itahob ka sa makasosopog mong hubang kamugtakan. Bumakal ka nin bolong na ilalahid sa saimong mga mata tanganing makahiling ka.

Hukom 9:7

Kan madangog ini ni Jotam, nagduman siya asin nagtindog sa alitoktok kan Bukid nin Gerizim dangan nagkurahaw sa sainda, “Dangoga nindo ako, kamong mga taga Shekem, asin dangogon logod kamo nin Dios!

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.