Santiago 2:26 - Marahay na Bareta Biblia

²⁶ Kaya kun gadan an hawak na suhay sa espiritu, gadan man an pagtubod na dai nahihiling sa gibo.

Santiago 2:26 ပူးပေါင်းရင်းမြစ်များ

Salmo 104:29

Kun minatalikod ka, nahahandal sinda; kun hinahale mo an saindang hinangos, nagagadan sinda asin minabalik sa alpog na saindang ginikanan.

Salmo 146:4

Kun sinda magadan, mabalik sinda sa alpog; sa aldaw na iyan, an gabos nindang plano matatapos.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Isaias 2:22

Dai na kamo magsarig sa mga tawo, huli ta ano an makukua nindo saiya?

Lukas 23:46

Nagkurahaw si Jesus, “Ama! Sa mga kamot mo idinudusay ko an sakong espiritu!” Pakasabi niya kaini nautsan siya.

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

Santiago 2:14

Mga tugang, anong pakinabang kan tawo na minasabing igwa siya nin pagtubod, alagad mayo nin ipinapahiling na mga gibo? Ikakaligtas daw siya kan pagtubod na iyan?

Santiago 2:17

Siring man kaiyan an pagtubod: kun igwa nin pagtubod alagad dai man nahihiling sa gibo, an pagtubod na iyan gadan.

Santiago 2:20

Boot mong maaraman, o tawong lolong, na gadan an pagtubod na mayong gibo?