Santiago 2:19 - Marahay na Bareta Biblia

¹⁹ Minatubod ka na igwa nin saro sanang Dios? Marahay! An mga demonyo minatubod man—pinagtatakigan pa sa takot.

Santiago 2:19 ပူးပေါင်းရင်းမြစ်များ

Isaias 43:10

“Banwaan nin Israel, kamo an sakong mga saksi; pinili ko kamo nganing magin sorogoon ko, tanganing mamidbidan nindo ako asin magtubod kamo sa sako patin masabotan nindo na ako sana an Dios. Pwera sako, mayo na nin ibang dios; mayo nanggad kaidto asin dai nanggad magkakaigwa.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 45:6

Ginigibo ko ini tanganing an gabos magpoon sa sarong poro kan kinaban sagkod sa ibong na poro makaaram na ako an Kagurangnan asin pwera sako mayo na nin ibang dios.

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Jonas 4:4

Nagsimbag an Kagurangnan, “May deretso ka daw na maanggot, Jonas?”

Jonas 4:9

Alagad sinabihan siya nin Dios, “May deretso ka daw na maanggot huli sa nangyari sa tinanom?” Nagsimbag si Jonas, “May deretso ako na maanggot—maanggot sagkod na magadan!”

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Mateo 8:29

Bigla sindang nagkurahaw, “Aki nin Dios, ano an pakilabot mo samo? Nagdigdi ka tanganing padusahan kami maski bako pang panahon?”

Markos 1:24

“Ano an boot mong gibohon samo, Jesus na taga Nazaret? Nagdigdi ka sa paglaglag samo? Midbid taka: ika an banal na sugo nin Dios!”

Markos 12:29

Nagsimbag si Jesus, “An pinakamahalagang togon iyo ini: ‘Dangoga, Israel! Saro sana an Dios na satong Kagurangnan.

Markos 5:7

saka nagkurahaw, “Ano an boot mo sako, Jesus aki nin Kahorohalangkaweng Dios? Sa ngaran nin Dios, nakikimaherak ako saimo, dai mo ako pagpasakitan!”

Markos 7:9

Nagpadagos si Jesus nin pagtaram, “Marahay an paagi nindo nin pagsikwal kan katogonan nin Dios tanganing mapahalagahan sana an sadiri nindong tradisyon!

Lukas 4:34

“Anong labot mo samo, Jesus na taga Nazaret? Nagdigdi ka sa pagrumpag samo? Midbid taka—ika an banal na sugo nin Dios!”

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Mga Gibo 16:17

Pinagparasunod niya kami asin si Pablo mantang nagkukurahaw, “An mga tawong ini sorogoon kan Kahorohalangkaweng Dios! Ipinagbabareta ninda saindo kun paano kamo makakaligtas!”

Mga Gibo 19:15

Alagad sinabihan sinda kan maraot na espiritu, “Midbid ko si Jesus, midbid ko man si Pablo; alagad siisay kamo?”

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Roma 3:30

Saro sana an Dios; gigibohon niyang magin matanos sa saiya an mga Judio huli sa pagtubod ninda, siring man an mga pagano.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

1 Corinto 8:6

alagad para sato saro sana an Dios, na iyo an Ama na Kaglalang kan gabos na bagay asin para saiya kita gabos nabubuhay. Siring man may saro sanang Kagurangnan, si Jesu-Cristo, na sa paagi niya linalang an gabos na bagay asin sa paagi niya nabubuhay kita.

Galacia 3:20

An tagapagultanan nangangahulogan nin labi sa saro katawo; alagad an Dios saro.

Deuteronomio 6:4

“Dangoga, O Israel! An Kagurangnan—asin an Kagurangnan sana—iyo an satuyang Dios.

1 Timoteo 2:5

Huli ta saro sana an Dios asin saro sana an tagapagultanan nin Dios saka kan mga tawo—an tawo na si Cristo Jesus.

Santiago 2:8

Tama an saindong gibo kun inootob nindo an katogonan nin Dios na nasa kasuratan, “Kamotan mo an saimong kapwa siring sa sadiri mo.”

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

Judas 1:6

Giromdoma nindo an mga anghel na dai nagdanay sa laog kan saindang kapangyarihan kundi nagbaya kan sadiri nindang erokan: ginapos sinda nin Dios kan kadenang dai nanggad napapatod saka ibinilanggo sinda sa madiklom na lugar sa ibaba sagkod sa dakulang Aldaw nin Paghukom.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.