Santiago 1:9 - Marahay na Bareta Biblia

⁹ An tugang na dukha dapat na mag-ogma kun ilinalangkaw siya nin Dios;

Santiago 1:9 ပူးပေါင်းရင်းမြစ်များ

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Mga Talinhaga 17:5

An nagtutuyatuya sa dukha nag-iinsulto sa Dios na naglalang saiya. Papadusahan an nag-oogma sa maraot na palad nin iba.

Mga Talinhaga 19:1

Mas marahay an magin dukha alagad matanos an pamumuhay, ki sa magin putikon na lolong.

Isaias 29:19

An mga dukha asin an mga mapakumbaba magkakamit kan kaogmahan na itinatao nin Kagurangnan, an banal na Dios nin Israel.

Lukas 1:52

Pinababa niya sa mga trono an mga mapangyari, asin ilinangkaw an mga mapakumbaba.

Lukas 10:20

Alagad mag-ogma kamo bakong huli ta nagkukuyog saindo an mga maraot na espiritu kundi huli ta nasusurat sa langit an saindong mga ngaran.”

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Lukas 9:48

saka nagsabi sainda, “An siisay man na minaako sa aking ini sa ngaran ko, minaako sako; an siisay man na minaako sako, minaako sa nagsugo sako. Huli ta an pinakasadit saindo, iyo an pinakadakula.”

Roma 8:17

Huli ta kita mga aki niya, kita mga paramana nin Dios asin kapwa paramana kaiba ni Cristo. Huli ta kun kaiba kita ngunyan sa kasakitan ni Cristo, makakaiba man kita sa saiyang kamurawayan.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

Deuteronomio 15:11

Danay na magkakaigwa nin mga dukhang Israelita sa saindong daga, kaya pinagbobotan ko kamo na magin matinao sainda.

Deuteronomio 15:7

“Kun magkaigwa nin sarong dukhang Israelita sa arin man na banwa sa daga na itinatao saindo nin Kagurangnan na saindong Dios, hare kamo pagmaimot asin pagsayuma sa pagtabang saiya.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Filipos 3:14

Kaya nagdadalagan ako pasiring sa kataposan tanganing makamtan ko an premyo kan pag-apod sako nin Dios pasiring sa buhay na mayong kataposan duman sa langit, sa paagi ni Cristo Jesus.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 2:9

Aram ko an saimong mga kasakitan; aram ko na ika dukha—alagad sa katunayan mayaman ka! Aram ko an mga pakaraot saimo kan mga nagsasabi na sinda mga Judio, na bako man totoo, kundi sa katunayan sarong sinagoga ni Satanas!

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.