Santiago 1:6 - Marahay na Bareta Biblia

⁶ Alagad kun namimibi kamo, dapat kamong magtubod saka dai magduwa-duwa, huli ta an nagduduwa-duwa nakakabaing sa alon nin dagat na ipinapadpad kan doros maski saen.

Santiago 1:6 ပူးပေါင်းရင်းမြစ်များ

Genesis 49:4

Garo ka sarong anggot na baha, Alagad bakong ika an pinakamahalaga, Huli ta dinorogan mo an sakong kasaroan Asin dinigtaan mo an higdaan kan saimong ama.

Mateo 14:28

Dangan nagtaram si Pedro, “Kagurangnan, kun ika man nanggad iyan, padolokon mo ako saimo sa ibabaw kan tubig.”

Mga Gibo 10:20

Humilig ka asin dai ka magduwa-duwang mag-iba sainda, huli ta ako an nagsugo sainda.”

Efeso 4:14

Dangan bako na kitang arog kan mga aking sadit na madaling ianod saka ipadpad kan katukdoan kan mga tusong tawo na minakabit sa iba sa salang dalan sa paagi kan saindang mga pagdaya asin pagputik.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.

Hebreyo 10:23

Magdanay kitang masarig sa paglaom na ipinapahayag ta, huli ta mapapaniwalaan nyato an Dios na maotob kan saiyang panuga.

Hebreyo 11:6

Alagad an siisay man na mayo nin pagtubod, dai makakapaogma sa Dios. Huli ta an siisay man na minadolok sa Dios dapat magtubod na igwa nin Dios na nagtatao nin marahay na balos sa mga naghahanap saiya.

Hebreyo 13:9

Dai kamo magpadagka sa laen saka bakong midbid na mga katukdoan. Mas marahay na an satong mga puso mapakosog kan biyaya nin Dios, bakong sa pagkuyog kan mga pagsusundon dapit sa mga kakanon na dai lamang nakakatabang sa mga nagkukuyog kaiyan.

Santiago 1:7

An siring na tawo dai dapat maghona na maako siya nin anoman sa Kagurangnan,

Santiago 5:15

An pamibi na may pagtubod an mapaomay kan tawong naghehelang. Papaomayan siya nin Kagurangnan asin kun nagkasala siya, papatawadon siya.

2 Pedro 2:17

An mga tawong ini garo nagmarang burabod, saka mga panganoron na ipinapadpad nin makosog na doros; an Dios may inandam nang madiklom na kairaroman para sainda.