Santiago 1:26 - Marahay na Bareta Biblia

²⁶ An naghohona na siya maki-Dios, alagad dai tataong magpugol kan saiyang dila, nagdadaya sa sadiri niya; an saiyang pagkamaki-Dios mayong halaga.

Santiago 1:26 ပူးပေါင်းရင်းမြစ်များ

An Libro ni Job 15:13

Naaanggot ka sa Dios asin kinondenar mo siya.

An Libro ni Job 30:11

Huli ta pinaluya ako nin Dios dangan ibinaba, dai na sinda nag-aalangan sa sakong atubang.

Salmo 141:3

Kagurangnan, bugtakan mo nin bantay an sakuyang ngoso; bantayan mo an pintoan nin sakuyang ngabil.

Salmo 32:9

Dai mo pag-arogon an sarong kabayo o sarong mula, na mayo nin pakasabot, na kaipuhan bugtakan nin busal saka renda tanganing magsunod.”

Salmo 34:13

Pugolan nindo an saindong dila sa pagtaram nin karatan, asin an saindong ngoso sa pagtaram nin kaputikan.

Mga Talinhaga 10:19

Kun mas dakul an tataramon, dakul man an kasalan; an igwa nin marahay na isip, bakong matinaram.

Mga Talinhaga 10:31

Kadonongan an minaluwas sa ngoso kan matanos, alagad an dila na nagtataram nin karatan puputolon.

Mga Talinhaga 14:12

An dalan na sa paghona kan tawo matanos, pwedeng magtapos sa kagadanan.

Mga Talinhaga 15:2

An dila kan madonong nagwawaras nin pakaaram, alagad an ngoso kan mga mangmang nagbubuga nin kamangmangan.

Mga Talinhaga 16:10

Igwa nin banal na awtoridad an hade kun siya minataram; an saiyang mga hatol gabos tama.

Mga Talinhaga 16:25

Igwa nin dalan na garo matanos sa paghiling nin tawo, alagad kagadanan an nasa poro kaiyan.

Mga Talinhaga 19:1

Mas marahay an magin dukha alagad matanos an pamumuhay, ki sa magin putikon na lolong.

Mga Talinhaga 21:26

mayo siya nin ginigibo kundi an mag-isip dapit sa mga bagay na boot niyang mapasaiya. Alagad an matanos maogmang nakakapagtao.

Isaias 1:13

Dai na kamo magdara nin mga dolot; nakakauyam para sako an insenso. An saimong mga pyesta: an bagong Bulan, an Sabbath, asin an banal mong mga pagtiripon— gabos iyan nadigtaan kan saimong mga kasalan.

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Malakias 3:14

Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?

Mateo 15:9

An pagsamba ninda sako mayo nin halaga, huli ta an itinutukdo ninda bilang doktrina, mga pagboot nin tawo sana!’”

Markos 7:7

An pagsamba ninda sako mayo nin halaga, huli ta an itinutukdo ninda bilang doktrina, mga pagboot nin tawo sana!’”

Lukas 8:18

“Pakatandaan nindo an saindong pagdangog, huli ta an siisay man na igwa, tatawan pa nin mas dakul; alagad an siisay man na mayo, kukuahan pa maski kan kadikit na sa paghona niya saiya.”

1 Corinto 15:15

Labi pa kaiyan, magigin pa kaming putikon na parahulit nin Dios, huli ta sinabi mi na binuhay liwat nin Dios si Cristo. Kun bakong totoo na an mga gadan binubuhay liwat, bako man totoo na binuhay liwat nin Dios si Cristo.

1 Corinto 15:2

Ililigtas kamo huli kan Marahay na Baretang ini kun matibay an panarig nindo diyan; kun bako, sayang an pagtubod nindo.

1 Corinto 3:18

Dai nindo pagdayaon an sadiri nindo. Kun may naghohona saindo na siya madonong sosog sa kinaban na ini, dapat siyang magin garo lolong, tanganing magin siyang talagang madonong.

Galacia 2:6

Alagad mayo na nin idinagdag sa sinabi ko an mga midbid na mga lider na idto. (Sinasabi ko ini huli ta para sako mayo nin kalaenan kun ano sinda kaidto, huli ta mayong pinapalaen an Dios.)

Galacia 2:9

Nasabotan ni Santiago, ni Pedro saka ni Juan, midbid na mga lider, na tinawan ako nin Dios kan espesyal na trabahong ini. Kaya inabrasa ninda kami ni Bernabe sa pag-ako samo bilang kapwa trabahador. Nagkaoroyon kami gabos na matrabaho kami ni Bernabe sa mga pagano dangan sinda sa mga Judio.

Galacia 3:4

Mayo daw nin kahulogan saindo an gabos na nangyari? Igwang kahulogan idto!

Galacia 6:3

Kun igwang naghohona na siya mahalaga, maski sa katunayan bako man, dinadaya niya an sadiri niya.

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Efeso 5:4

Bako man maninigo saindo na magtaram nin rapsak, mag-orolay na mayo nin halaga o magkalwag na sala; kundi magpasalamat kamo sa Dios.

Deuteronomio 11:16

Mag-ingat kamo tibaad madaya kamo asin talikodan nindo an Kagurangnan dangan magsamba kamo asin maglingkod sa mga dios-dios.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 1:22

Bako sanang dangogon nindo an tataramon nin Dios kundi gibohon; ta kun dai, kamo man sana an nagdadaya sa sadiri nindo.

Santiago 2:20

Boot mong maaraman, o tawong lolong, na gadan an pagtubod na mayong gibo?

1 Pedro 3:10

Siring sa nasusurat, “An siisay man na nagmamawot nin marahay na buhay asin nin maogmang mga aldaw, dapat maglikay sa pagtaram nin maraot, saka dai magputik.