Santiago 1:2 - Marahay na Bareta Biblia

² Mga tugang ko, ikaogma nindo kun magkaigwa kamo nin manlaen-laen na pagbalo,

Santiago 1:2 ပူးပေါင်းရင်းမြစ်များ

Mga Gibo 5:41

Naghale sa Konseho an mga apostol na pano nin kaogmahan huli ta pinapagkanigo sinda nin Dios na magtios nin kasopogan sa ngaran ni Jesus.

Roma 5:3

Nag-oogma man kita sa satong mga kasakitan huli ta aram ta na an kasakitan nagbubunga nin pakatagal,

Filipos 1:29

Huli ta pinapagkanigo kamong maglingkod ki Cristo, bako sana huli sa pagtubod saiya, kundi huli man sa pagtios para saiya.

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

Filipos 2:18

Siring man, dapat kamong mag-ogma asin makipag-ogma sako.

Colosas 1:24

Maogma ako ngunyan dapit sa sakong mga kasakitan dahel saindo, huli ta sa paaging ini pinapadagos ko an mga kasakitan na tinitios ni Cristo, asin sakong tinitios para sa simbahan na iyo an hawak ni Cristo.

Hebreyo 10:34

Dinamayan nindo an mga bilanggo, saka maogmang tinios nindo an pagkawara kan saindong mga pagsadiri kan agawon iyan saindo, huli ta aram nindo na igwa kamo nin mas marahay na pagsadiri, na magdadanay sagkod lamang.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 1:16

Dai kamo magpadaya, namomotan kong mga tugang!

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 5:11

Inaapod tang paladan an mga nakatagal. Nadangog na nindo an dapit sa pagkamatinios ni Job; asin nahiling nindo an katuyohan nin Kagurangnan, na an Kagurangnan maboot saka maheherakon.

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.