Salmo 99:8 - Marahay na Bareta Biblia

⁸ Kagurangnan nyamong Dios, sinimbag mo sinda; para sainda ika an Dios na nagpapatawad, alagad nagpapadusa kan saindang mga maraot na gawe.

Salmo 99:8 ပူးပေါင်းရင်းမြစ်များ

2 Samuel 12:14

“Alagad nin huli ta sa gaweng ini ipinahiling mo an pagkaongis sa Kagurangnan, magagadan an saimong aki.”

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Salmo 89:33

Alagad an danay kong pagkamoot ki David dai ko hahaleon; dai ko lilingawan an sakong panuga saiya.

Exodo 32:2

Sinabihan sinda ni Aaron, “Tanggalon nindo an mga hikaw na bulawan sa talinga kan saindong mga agom saka mga aki dangan darahon nindo sako.”

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Parahulit 7:29

Ini sana an sakong nanodan: an tawo linalang na matanos nin Dios, alagad naghanap siya nin dakul na kapurisawan sa buhay.

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Sofonias 3:7

Naghona ako na an sakong banwaan magalang sako asin maako kan sakong pagdidisiplina, na dai nanggad ninda malilingawan an adal na itinukdo ko sainda. Alagad dai nahaloy, nagbalik sinda sa dati nindang maraot na mga gibo.

Mga Bilang 20:12

Alagad tinuyaw nin Kagurangnan si Moises saka si Aaron, “Huli sa kakulangan kan saindong pagtubod na ipamidbid sa mga tawo an sakong banal na kapangyarihan, bako kamo an mangengenot sainda pasiring sa dagang ipinanuga kong itatao sainda.”

Mga Bilang 20:24

“Dai makakalaog si Aaron sa dagang ipinanuga kong itatao sa Israel; magagadan siya huli ta dai nindo sinunod an sakong pagboot duman sa Meriba.

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

Deuteronomio 3:26

“Alagad huli saindo, naanggot sakuya an Kagurangnan asin dai niya ako dinangog. Nagtaram siya sako, ‘Ontok diyan! Dai mo na pagsambiton sakuya an bagay na iyan.