Salmo 99:3 - Marahay na Bareta Biblia

³ An lambang saro mag-oomaw kan saiyang dakula asin ginagalangan na ngaran. Siya banal!

Salmo 99:3 ပူးပေါင်းရင်းမြစ်များ

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

Salmo 100:4

Lumaog sa saiyang mga trangkahan na may pasalamat, dumuman sa saiyang mga patyo na may pag-omaw. Pasalamatan siya asin omawon an saiyang ngaran!

Salmo 103:1

Kalag ko, mag-omaw ka sa Kagurangnan! Bilog kong pagkatawo, omawon an saiyang banal na ngaran!

Salmo 111:9

Pinatalingkas niya an saiyang banwaan, dangan naggibo sainda nin tipan na dai nin kasagkoran. Banal asin ginagalangan an saiyang ngaran!

Salmo 145:17

An Kagurangnan matanos sa gabos niyang mga palakaw, maheherakon sa gabos niyang gibo.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 76:1

An Dios midbid sa Juda; bantog sa Israel an saiyang ngaran.

Salmo 76:12

na minaputol kan hinangos nin mga prinsipe, na minatakot sa mga hade nin daga.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Juan 17:11

Ngunyan madiyan na ako saimo; mayo na ako sa kinaban, alagad mawawalat sinda sa kinaban. O Banal na Ama, huli kan kapangyarihan kan saimong ngaran, pangatamana an mga itinao mo sako, tanganing magkasararo sinda siring na kita saro.

Deuteronomio 28:58

“Kun bako kamong maimbod sa pagkuyog kan mga togon na nasusurat sa librong ini, asin kun dai kamo matakot sa ngaran nin Kagurangnan na saindong Dios,

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.

Kapahayagan 4:8

An lambang saro kaining buhay na linalang may anom na pakpak, pano nin mga mata an luwas asin an laog. Aldaw-banggi daing ontok an saindang pag-awit kaini: “Banal, banal, banal an Kagurangnan Dios na Makakamhan, na iyo kaidto, ngunyan, asin sa madatong pang panahon.”

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.