Salmo 97:2 - Marahay na Bareta Biblia

² Panganoron asin kadikloman an nasa palibot niya; katanosan asin hustisya an mga pundasyon kan saiyang trono.

Salmo 97:2 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

An Libro ni Job 23:14

Huli ta saiyang tataposon an plinano niya para sako; asin kadakul na siring kaiyan an nasa isip niya.

An Libro ni Job 26:9

Tinatahoban niya an lalawogon kan bulan, asin sa ibabaw kaiyan binibiklad niya an panganoron.

Salmo 77:19

An mga alon saimong linakawan; inibong mo an hararom na dagat, alagad mayong nakahiling kan saimong inagihan.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Salmo 89:15

Paladan an mga tawong nagsasamba saimo huli sa mga awit, na naglalakaw sa liwanag nin saimong lalawogon!

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Exodo 19:9

Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 20:21

Alagad padagos na nagtindog sa harayo an mga tawo; si Moises sana an nagdolok sa mahibog na panganoron saen yaon an Dios.

Mga Talinhaga 16:12

Ikinakaongis kan mga hade an paggibo nin karatan, huli ta hustisya an nagpapakosog nin sarong gobyerno.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!