Salmo 96:6 - Marahay na Bareta Biblia

⁶ Omaw asin kamahalan yaon sa saiyang atubang; kosog asin gayon yaon sa saiyang santwaryo.

Salmo 96:6 ပူးပေါင်းရင်းမြစ်များ

Salmo 104:1

Kalag ko, mag-omaw ka sa Kagurangnan! O Kagurangnan na sakong Dios, ika tunay na dakula! Nagugubingan ka nin kamurawayan asin kamahalan;

Salmo 93:1

Hade an Kagurangnan. Siya nagugubingan nin kamahalan asin kosog. Masarig an namumugtakan kan kinaban asin dai matatanyog.

1 Mga Cronica 16:27

Omaw asin kamahalan yaon sa saiyang atubangan; kosog asin kaogmahan yaon sa saiyang santwaryo.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Salmo 50:2

An Dios nagliliwanag hale sa Sion, an syudad na tunay na ladawan nin kagayonan.

Salmo 29:9

An tingog nin Kagurangnan nakakatanyog kan mga hamurawon; nakakaparakdag kan mga dahon sa kadlagan; asin sa saiyang Templo an gabos nagkukurahaw, “Kamurawayan!”

Salmo 27:4

Saro sana an hinahagad ko sa Kagurangnan; saro sanang bagay an sakong minamawot; na ako mag-erok sa harong nin Kagurangnan sa gabos na aldaw nin sakong buhay, na mahiling ko an kagayonan nin Kagurangnan, asin magpamibi sa saiyang pinag-eerokan.

Salmo 19:1

An kamurawayan nin Dios ibinabareta kan kalangitan! An saiyang gibo irinurukyaw kan kaitaasan!

Salmo 8:1

O Kagurangnan, samuyang Kagurangnan, dakula an saimong ngaran sa bilog na kinaban! An pag-omaw saimo nakakaabot sa kalangitan;

Salmo 63:5

Magkakakan an sakong kalag asin mababasog; maogmang mag-aawit ako nin pag-omaw sa saimo.