Salmo 96:4 - Marahay na Bareta Biblia

⁴ Huli ta dakula an Kagurangnan, asin maninigo nanggad na omawon; dapat siyang katakotan orog sa gabos na dios.

Salmo 96:4 ပူးပေါင်းရင်းမြစ်များ

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

Salmo 145:3

An Kagurangnan dakula asin maninigong omawon; daing sukol an saiyang kadakulaan.

Salmo 150:2

Omawon siya huli kan saiyang mga gibong ngangalasan, omawon an saiyang mayong kapantay na kadakulaan.

Salmo 18:3

Minaapod ako sa Kagurangnan, asin iliniligtas niya ako sa sakong mga kaiwal. Pag-omawon an Kagurangnan!

Salmo 48:1

Dakula an Kagurangnan asin maninigong pag-omawon sa syudad nin satong Dios, sa banal niyang bulod.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 66:5

Madya asin hilinga an ginibo nin Dios, an makangangalas niyang mga gibo sa tahaw nin katawohan.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Salmo 86:10

Dakula ka asin naggigibo nin mga ngangalasan; ika sana nanggad an Dios.

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Salmo 95:3

Huli ta an Kagurangnan sarong dakulang Dios asin sarong mapangyaring Hade sa gabos na dios.

Exodo 18:11

Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Lukas 12:5

Alagad papatanidan ko kamo kun siisay an dapat nindong katakotan: matakot kamo sa Dios huli ta pakatapos na magbawe nin buhay, may kapangyarihan pa siya na magtapok sa impyerno! Sinasabihan ko kamo, siya an dapat katakotan.

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

1 Samuel 4:8

Siisay an maligtas sato sa kapangyarihan kan mga makokosog na dios na iyan? Iyo iyan an mga dios na guminadan kan mga Egipcio duman sa kalangtadan!