Salmo 96:3 - Marahay na Bareta Biblia

³ Ipahayag sa mga nasyon an saiyang kamurawayan, an mga ngangalasan niya sa tahaw kan gabos na banwaan.

Salmo 96:3 ပူးပေါင်းရင်းမြစ်များ

Salmo 150:2

Omawon siya huli kan saiyang mga gibong ngangalasan, omawon an saiyang mayong kapantay na kadakulaan.

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 57:9

Magpapasalamat ako saimo, Kagurangnan, sa tahaw nin mga banwaan; sa tahaw nin mga nasyon ika sakong oomawon.

Salmo 9:2

Huli saimo, mag-aawit ako sa kaogmahan. Mag-aawit ako nin pag-omaw saimo, O Dios na Makakamhan.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Zacarias 9:10

Nagtataram an Kagurangnan, “Hahaleon ko an mga panggerang karwahe sa Israel asin an mga kabayo sa Jerusalem; an mga pana na ginagamit sa gera magkakararaot. An saindong hade makikipagtipan nin katoninongan sa mga nasyon; an pagdolonan kan saiyang kahadean mapoon sa dagat sagkod sa saro pang dagat, mapoon sa Salog nin Eufrates sagkod sa mga poro kan kinaban.”

Mateo 28:19

Kaya paduman kamo sa gabos na tawo saen man na lugar; gibohon nindo sindang mga disipulo ko. Bunyagan nindo sinda sa ngaran nin Ama, nin Aki, asin nin Espiritu Santo.

Lukas 24:47

sa ngaran niya ipaghuhulit sa gabos na tawo, poon sa Jerusalem, an pagbakle asin an kapatawadan nin mga kasalan.