Salmo 94:2 - Marahay na Bareta Biblia

² Magtindog ka, O hukom nin kinaban; tawan sa mapaabaw-abaw an maninigo sainda!

Salmo 94:2 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

Salmo 31:23

Kamong mga banal, kamotan nindo an Kagurangnan! An mga maimbod saiyang inaataman, alagad pinapadusahan an mapaabaw-abaw.

Salmo 50:6

Ibinabalangibog nin kalangitan an pagkamatanos nin Dios, huli ta siya iyo an hukom.

Salmo 68:1

Tumindog logod an Dios, makawarak logod an saiyang mga kaiwal; dumulag logod an mga naoongis saiya!

Salmo 7:6

Sa kaanggotan, bumangon ka, Kagurangnan! Atubangon mo an kaanggotan kan sakong mga kalaban; pagmata, Dios ko, mawot mo an katanosan.

Salmo 74:22

Tindog, O Dios, asin suroga ako; giromdoma na nginingisihan ka kan kaiwal sa bilog na aldaw.

Salmo 82:8

Bumangon ka, O Dios, asin hukoman mo an kinaban; huli ta sadiri mo an gabos na nasyon.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mikas 5:9

Madadaog kan Israel an saiyang mga kaiwal asin roronoton niya sinda.

2 Corinto 5:10

Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”