Salmo 9:9 - Marahay na Bareta Biblia

⁹ An Kagurangnan sarong pailihan para sa mga inaapi; sarong pailihan sa panahon nin kasakitan.

Salmo 9:9 ပူးပေါင်းရင်းမြစ်များ

1 Mga Cronica 16:33

Dangan an mga kahoy sa kadlagan mag-aawit sa kaogmahan sa atubang nin Kagurangnan, huli ta siya minaabot tanganing hukoman an daga.

Salmo 108:12

Tabang tumang sa kaiwal itao mo samo, huli ta mayong halaga an tabang nin tawo.

Salmo 142:4

Nagkiling ako sa too ko, alagad mayo nin matabang sako. Mayo nin masurog sako, mayo nin nagmamakulog sako.

Salmo 18:2

An Kagurangnan iyo an sakong parasurog; sakong pailihan, sakong paratubos. An sakong Dios, gapo na sakong pailihan; sakong kalasag, sakong katabang, sakong bantayan.

Salmo 20:1

Simbagon ka logod nin Kagurangnan sa aldaw nin kahorasaan! Surogon ka logod kan Dios ni Jacob!

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Salmo 37:39

Hale sa Kagurangnan an kaligtasan nin mga matanos; siya an saindang pailihan sa panahon nin kasakitan.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 48:3

An Dios nagpapahiling na sa laog kan mga bantayan siya an pailihan.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 62:8

Sa gabos na panahon, magsarig kamo sa Dios, O sakong banwaan. Isabi nindo saiya an gabos nindong kasakitan, huli ta siya an satong pailihan.

Salmo 67:5

Pag-omawon ka logod kan gabos na tawo, O Dios; pag-omawon ka logod kan gabos na tawo!

Salmo 7:9

O Dios na matanos, ika na naghuhukom kan samong kaisipan asin kamawotan. Paontoka an karatan kan mga tampalasan; alagad bendisyonan mo an mga banal.

Salmo 96:10

Sabihan nindo an gabos na nasyon, “Hade an Kagurangnan! An kinaban, masarig na pinamugtak asin dai nanggad mahihiro; matanos niyang huhukoman an mga banwaan.”

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 8:14

Huli kan sakuyang makangangalas na kabanalan, arog ako sa sarong gapo na nasisingkogan nin mga tawo; arog ako sa sarong siod na madakop sa mga tawo kan kahadean nin Juda saka Israel asin sa mga taga Jerusalem.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Lukas 13:34

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Deuteronomio 33:27

An daing tapos na Dios an saindong erokan; an saiyang mga kamot an saindong kakosogan. Inalaw niya an kaiwal sa saindong pagdangadang, asin nagtaram siya na sa saindong kamot sinda magagadan.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.