Salmo 9:5 - Marahay na Bareta Biblia

⁵ Sinagwe mo an mga nasyon, rinonot mo an mga maraot; pinara mo an saindang ngaran sagkod lamang.

Salmo 9:5 ပူးပေါင်းရင်းမြစ်များ

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

Salmo 149:7

tanganing daogon an mga nasyon asin padusahan an mga banwaan;

Salmo 2:1

Tadaw ta nag-iisip an mga nasyon nin pagtumang? Tadaw ta nag-iisip an mga tawo nin mayong kamugtakan?

Salmo 5:6

An mga putikon saimong ginagadan; an mga tawong paha sa dugo asin madaya saimong isinisikwal.

Salmo 7:12

Kun an sarong tawo dai magbakle, tataison nin Dios an saiyang espada; inandam na niya an saiyang pana;

Salmo 78:55

Pinahale niya sa daga an mga nag-eerok duman, mantang nagdadangadang an saiyang banwaan; binanga niya an saindang daga sa mga tribu nin Israel asin itinao sa mga Israelita an saindang mga harong.

Salmo 79:10

Tano ta maghapot an mga nasyon, “Haen an saindang Dios?” Mahiling mi logod an pagsingil asin pagpadusa mo sa mga nasyon, huli ta pinabulos ninda an dugo kan saimong mga sorogoon.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Mga Talinhaga 13:9

An matanos na tawo garo sarong maliwanag na ilaw, alagad an maraot nakakaarog sa napapalsok na ilawan.

Jeremias 49:38

Gagadanon ko an saindang mga hade saka mga lider, dangan ibubugtak ko duman an sakong trono.

Mga Panambitan 3:58

“Tinabangan mo ako, Kagurangnan asin ilinigtas mo an sakong buhay.

Malakias 4:3

Sa aldaw na humiro ako, madadaog nindo an mga maraot na tawo, asin makakaagid sinda sa alpog sa irarom kan saindong mga bitis.

Deuteronomio 9:14

Hare ako pagpugola. Tutunawon ko sinda tanganing mayo nang makagiromdom sainda. Dangan ika an gigibohon kong ama nin sarong nasyon na mas dakula asin mapangyari ki sa sainda.’

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

1 Samuel 25:32

Sinabihan siya ni David, “Pag-omawon an Kagurangnan, an Dios nin Israel, na nagsugo saimo ngunyan na aldaw tanganing sabaton ako!

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 31:4

Sinabihan ni Saul an paradara kan saiyang mga armas, “Hugkota an saimong espada asin gadana ako, tanganing dai ako pag-olog-ologon kan bakong sirkomsisyonadong mga Filisteong ini.” Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.