Salmo 9:16 - Marahay na Bareta Biblia

¹⁶ Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Salmo 9:16 ပူးပေါင်းရင်းမြစ်များ

2 Mga Hade 19:19

O Kagurangnan na samong Dios, nakikimaherak ako, iligtas mo kami sa mga taga Asiria, tanganing maaraman kan mga nasyon sa kinaban na ika sana, O Kagurangnan, an Dios.”

An Libro ni Job 18:9

Matutongtongan niya an sarong litag, sarong siod an madakop saiya.

Salmo 11:6

Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

Salmo 140:9

Dai man logod manggana an sakong mga kaiwal; humugpa logod sainda an karatan na saindang itinaram.

Salmo 19:14

An mga itinaram nin sakong ngoso asin an kaisipan kan sakong puso maako mo logod, O Kagurangnan, sakuyang pailihan, asin sakuyang paratubos!

Salmo 48:11

mag-ogma an mga taga Sion! Mag-ogma an mga aking babae nin Juda, huli kan mga matanos mong paghukom!

Salmo 5:1

Hinanyoga an sakong pamibi, Kagurangnan, himatea an sakong inagrangay.

Salmo 7:16

Kaya siya an nagdudusa sa ginibo niyang karatan; nakukulgan kan gibo niyang kadahasan.

Salmo 92:3

sa tugtog nin plawta asin nin arpa asin sa tanog nin lira.

Exodo 14:10

Kan mahiling kan mga Israelita na harani na an hade saka an saiyang mga soldados, natakot sinda asin naghagad nin tabang sa Kagurangnan.

Exodo 14:31

Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Mga Talinhaga 12:13

An maraot na tawo nasisiod kan sadiring tataramon, alagad nakakalikay sa anoman na pag-alaman an matanos.

Mga Talinhaga 6:2

magagakodan ka kan sadiri mong tataramon, masisiod ka kan sadiri mong panuga.

Isaias 28:13

Kaya tutukdoan kamo nin Kagurangnan kan lambang letra, linya, saka adal. Dangan madadalinas kamo sa lambang lakad na gibohon nindo. Malulugad, masisiod, asin mabibihag kamo.

Isaias 8:15

Dakul an masisingkog; matutumba sinda asin maroronot. Madadakop sinda sa sarong siod.”

Daniel 6:25

Dangan nagsurat si Hadeng Dario sa mga banwaan sa gabos na nasyon, rasa, asin lengwahe sa daga: “An katoninongan mapasaindo!

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.