Salmo 9:14 - Marahay na Bareta Biblia

¹⁴ tanganing ipahayag ko an saimong mga kaomawan, tanganing sa atubang kan mga taga Jerusalem, mag-ogma ako sa saimong kaligtasan.

Salmo 9:14 ပူးပေါင်းရင်းမြစ်များ

Salmo 106:2

Siisay an makakabilang kan dakulang mga bagay na saiyang ginibo? Siisay an makakatao saiya kan maninigong kaomawan?

Salmo 13:5

Minasarig ako sa danay mong pagkamoot; mag-oogma an puso ko sa saimong kaligtasan.

Salmo 20:5

Maogmang magkurahaw logod kita sa saimong panggana, asin sa ngaran kan satong Dios patindogon ta an satong mga bandera! Simbagon logod nin Kagurangnan an gabos mong kahagadan!

Salmo 21:1

Sa saimong kosog nag-oogma an hade, O Kagurangnan; naoogma huli sa tabang na itinao mo saiya.

Salmo 22:22

An ngaran mo ipagbabantog ko sa sakong banwaan; oomawon taka sa tahaw nin katiriponan:

Salmo 22:25

Sa dakulang katiriponan, oomawon taka huli kan saimong ginibo; ootobon ko an sakong mga panuga sa atubang kan mga natatakot saimo.

Salmo 35:18

Dangan magpapasalamat ako saimo sa dakulang katiriponan; mag-oomaw ako saimo sa saindang atubang.

Salmo 35:9

Dangan mag-oogma ako sa Kagurangnan, mag-oogma sa saiyang kaligtasan.

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Salmo 51:12

Ibalik mo sako an kaogmahan nin saimong kaligtasan, asin giboha akong makinuyog-kuyog saimo.

Salmo 51:15

Kagurangnan, bukahon mo an sakuyang ngoso, asin an sakong dila magrurukyaw kan saimong kaomawan.

Salmo 6:3

An kalag ko nasa makuring kahorasaan; Kagurangnan, sagkod nuarin ka maghahalat nganing ako tabangan?

Salmo 75:9

Alagad dai ako maontok sa pagrukyaw kan Dios ni Jacob; maawit ako nin kaomawan sa saiya.

Salmo 79:13

Dangan kami na saimong banwaan, mga karnero na saimong ataman, magpapasalamat saimo sagkod pa man; ika samong oomawon sa gabos na kapagarakian.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 3:9

Nadangog ko an inagrangay kan sakong banwaan asin nahiling ko an pag-api sainda kan mga Egipcio.

Isaias 12:3

Sa kaogmahan, an mga tawo maharok nin tubig sa mga bubon nin kaligtasan.

Isaias 37:22

na an Kagurangnan nagsabing, “Pinagngingisihan ka, Senakerib, kan syudad nin Jerusalem, asin pinag-oolog-olog.

Isaias 62:11

na an Kagurangnan nagpapahayag sa bilog na kinaban: “Sabihi nindo an banwaan nin Jerusalem na an Kagurangnan madatong tanganing iligtas siya, kaibahan niya an ilinigtas niyang mga tawo.”

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Habakkuk 3:18

magigin maogma pa giraray ako asin magayagaya, huli ta an Kagurangnan Dios iyo an sakong paraligtas.

Lukas 1:47

an sakong kalag nag-oogma sa Dios na sakong Paraligtas;

1 Samuel 2:1

Namibi si Hanna: “An sakong puso nag-oogma sa Kagurangnan; maogma ako huli kan saiyang ginibohan! Mga kaiwal sakong ngingisihan; maogma akong marahay huli kan saiyang tabang!