Salmo 9:12 - Marahay na Bareta Biblia

¹² Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Salmo 9:12 ပူးပေါင်းရင်းမြစ်များ

Genesis 9:5

Papadusahan ko an siisay man na maggadan nin tawo. Kagadanan an padusa sa hayop man o tawo na makagadan nin tawo.

2 Mga Hade 24:4

asin huli kan paggadan niya sa mga tawong mayo nin kasalan. Huli kaiyan dai pwedeng mapatawad nin Kagurangnan si Manases.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 10:17

Dadangogon mo, Kagurangnan, an mga pamibi nin mga mahuyo; tatawan mo sinda nin kosog nin boot.

Salmo 102:17

Dadangogon niya an pamibi kan mga dukha; dai niya ikakaanggot an saindang pakimaherak.

Salmo 132:13

Huli ta an Sion pinili nin Kagurangnan; minawot niyang ini an magin saiyang erokan:

Salmo 22:24

Huli ta dai siya nabaldi sa mga dukha, dai nalingaw kan saindang kasakitan; dai man niya sinda tinalikdan, ata ngani dinangog kan sinda mag-agrangay.”

Salmo 34:6

Minaapod an dukha, asin sinisimbag nin Kagurangnan; iliniligtas niya sa gabos na kasakitan.

Salmo 68:17

Kaiba an ribo-ribong matitibay niyang karwahe, nag-abot sa banal na lugar an Kagurangnan hale sa Sinai.

Salmo 74:2

Giromdoma an saimong banwaan, na kaidtong panahon pinili mo para saimo; na tinubos mo sa kaoripnan tanganing magin sadiring tribu. Giromdoma an Bukid nin Sion na saimong dating pinag-erokan.

Salmo 76:3

Duman saiyang binari an mga pana, mga kalasag, mga espada, asin an mga armas nin gera.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 3:9

Nadangog ko an inagrangay kan sakong banwaan asin nahiling ko an pag-api sainda kan mga Egipcio.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 8:18

Uya ako sa kaibahan kan mga aki na itinao sako nin Kagurangnan. An Kagurangnan nin mga hukbo, na an trono nasa Bukid nin Sion, iyo an nagsugo sato bilang mga buhay na mensahe sa banwaan nin Israel.

Mateo 23:35

Huli kaini kamo an papadusahan dahel sa paggadan ninda kan mga tawong inosente, poon ki Abel sagkod ki Zacarias na aki ni Barakias, na ginadan nindo sa pagultanan kan Templo saka kan altar.

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Hukom 10:16

Kaya hinarale ninda an saindang dayuhan na mga dios asin nagsamba sa Kagurangnan. Huli kaini, naherak giraray an Kagurangnan sa kamugtakan nin Israel.