Salmo 85:9 - Marahay na Bareta Biblia

⁹ Totoong harani na an kaligtasan para sa mga may pagkatakot saiya, nganing an kamurawayan mag-erok sa daga.

Salmo 85:9 ပူးပေါင်းရင်းမြစ်များ

Salmo 119:155

Harayo sa mga maraot an kaligtasan, huli ta dai ninda hinahanap an saimong mga katogonan.

Salmo 50:23

An nagdadara nin atang nin pasasalamat nagtatao sako nin kaomawan; asin sa mga naglalakaw sa dalan nin katanosan, ipapahiling ko an sakong kaligtasan!”

Isaias 4:5

Dangan sa ibabaw kan Bukid nin Jerusalem asin sa mga nagkatiripon duman, mapadara an Kagurangnan nin dampog sa aldaw, asin aso saka sarong maliwanag na kalayo sa banggi. An bilog na syudad tatahoban asin iingatan kan kamurawayan nin Dios.

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Jeremias 23:35

Embes kaiyan, an dapat na ihapot nin lambang saro sa saiyang mga katood asin mga kadugo iyo, ‘Anong kasimbagan an itinao nin Kagurangnan? Ano an itinaram nin Kagurangnan?’

Jeremias 23:37

Jeremias, hapota an mga propeta, ‘Anong kasimbagan an itinao saindo nin Kagurangnan? Ano an sinabi nin Kagurangnan?’

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Ezekiel 26:20

Dangan ihuhulog taka sa kinaban nin mga gadan sa kaibahan kan mga tawong nabuhay kan suanoy na panahon. Mag-eerok ka diyan sa kaibahan kan mga gadan, sa tahaw kan suanoy na mga gaba. Huli kaiyan, dai ka na pag-eerokan, ni magkakaigwa nin lugar sa daga kan mga nabubuhay.

Ezekiel 3:10

Nagtaram pa siya sako, “Aki nin tawo, dangoga asin giromdoma an gabos na itinataram ko saimo.

Habakkuk 2:1

Masakat ako sa sakong bantayan asin mahalat tanganing maaraman ko an itataram sako nin Kagurangnan—kun anong simbag an itatao niya sa sakong reklamo.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Zacarias 2:8

An siisay man na makikiaram saindo, makikiaram kan pinakamahalaga para sako.” Kaya sinugo ako kan Kagurangnan nin mga hukbo na darahon an mensaheng ini sa mga nasyon na nanamsam kan saiyang banwaan;

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 7:17

Maiisihan nin siisay man na boot mag-otob kan ipinagboboot nin Dios, kun an itinutukdo ko hale sa Dios, o kun nagtataram ako sa sadiri ko sanang kabotan.

Mga Gibo 13:16

Nagtindog si Pablo, nagpasabot kan saiyang kamot na mag-alo sinda, saka nagtaram: “Mga kapwa ko Israelita asin kamong mga may pagkatakot sa Dios, dangoga ako nindo!

1 Samuel 3:9

kaya sinabihan niya ini, “Magkatorog ka giraray. Kun apodon ka pa niya, ini an sabihon mo, ‘Magtaram ka, Kagurangnan, huli ta naghihinanyog an saimong sorogoon.’” Kaya nagbalik giraray si Samuel sa saiyang higdaan.