Salmo 85:2 - Marahay na Bareta Biblia

² Pinatawad mo an kasombikalan kan saimong banwaan; pinatawad mo an gabos nindang kasalan.

Salmo 85:2 ပူးပေါင်းရင်းမြစ်များ

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Salmo 126:1

Kan ibalik nin Kagurangnan an kayamanan nin Sion, nakabaing kita sa mga nangatorogan!

Salmo 32:1

Paladan an tawong pinatawad na an mga kasalan, an tawong napara na an kalapasan.

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Jeremias 50:20

Pag-abot kan panahon na iyan mayo na nin kasalan na makukua sa Israel asin mayo na nin katampalasanan sa Juda, huli ta papatawadon ko an mga tawong dai ko itinugot na magadan. Ako, an Kagurangnan, an nagtaram.”

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Mga Bilang 14:19

Nakikimaherak ako, patawada an kasalan kan mga tawong ini Kagurangnan, sosog sa saimong dakula asin danay na pagkamoot, siring kan pagpatawad mo sainda poon kan paghale ninda sa Egipto.”

Mga Gibo 13:39

Huli saiya an gabos na nagtutubod pinapatawad kan anoman na pagkakasala na dai napapatawad sosog sa Katogonan ni Moises.

Colosas 2:13

Kaidto, gadan kamo huli kan saindong mga kasalan asin huli ta mga pagano kamo na mayo kan Katogonan. Alagad tinawan kamo nin Dios nin bagong buhay kaiba ni Cristo! Pinatawad kita nin Dios kan gabos tang kasalan.