Salmo 85:10 - Marahay na Bareta Biblia

¹⁰ An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 85:10 ပူးပေါင်းရင်းမြစ်များ

Salmo 100:5

Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 72:3

Magin mauswag logod an daga, asin makanamit nin katanosan.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Mga Talinhaga 3:3

Padanaya saimo an kaimbodan; ikulintas mo iyan sa saimong liog asin isurat sa saimong puso.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Roma 5:1

Kaya huli ta pinangagin kitang matanos nin Dios huli sa pagtubod, igwa kita nin katoninongan saiya huli ki Jesu-Cristo na satong Kagurangnan.

Roma 5:21

Kaya siring na an kasalan nagdara nin kagadanan, an biyaya nin Dios nagdara sato, na mga pinangagin matanos, nin buhay na daing kataposan sa paagi ni Jesu-Cristo na satong Kagurangnan.

Hebreyo 7:2

Tinawan siya ni Abraham nin himoloan kan gabos niyang nakua sa pakilaban. (An enot na kahulogan kan ngaran na Melkisedek, “Hade nin Katanosan”; asin huli ta hade siya kan Salem, an ikaduwang kahulogan kan ngaran niya, “Hade nin Katoninongan.”)