Salmo 83:10 - Marahay na Bareta Biblia

¹⁰ Dinaog mo sinda duman sa Endor, asin an saindang mga bangkay nalapa sa daga.

Salmo 83:10 ပူးပေါင်းရင်းမြစ်များ

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Sofonias 1:17

An Kagurangnan nagtataram, “Dadarahon ko sa katawohan an siring na mga kasakitan tanganing an lambang saro maglakaw na garo buta. Nagkasala sinda sako, kaya an saindang dugo mabulos na garo tubig, asin an saindang mga bangkay magkakawararak sa daga.”

Josue 17:11

Sa laog kan daga ni Issakar asin ni Asher, nasadirihan ni Manases an mga syudad kan Bet-sean asin Ibleam, kaiba an mga banwa sa palibot kan mga iyan, siring man an Dor (an nasa baybayon), Endor, Taanac, Megido, asin an mga banwa sa palibot kan mga iyan.

Hukom 4:15

asin kan salakayon ninda an kampo ni Sisera, linibong nin Kagurangnan si Sisera sagkod an saiyang mga tawohan. Naglusad si Sisera sa saiyang karwahe asin nagdadalagan na nagdulag.

Hukom 4:16

Linamag ni Barak an mga karwahe saka hukbo ni Sisera sagkod sa Haroset-hagoiim. Nagkagaradan an bilog na hukbo ni Sisera; mayo nin natada maski saro.

Hukom 5:21

Inanod sinda kan baha sa Kison— an nag-aanggot na katubigan nin Kison. Magmamartsa akong padagos, sa bilog kong kosog!

Hukom 7:25

Nadakop ninda an duwang prinsipe kan Midian na si Oreb asin Zeeb. Ginadan ninda si Oreb sa Gapo nin Oreb asin si Zeeb sa pugaan nin ubas ni Zeeb. Padagos nindang linamag an mga Midianita asin dinara ninda an mga payo ni Oreb saka ni Zeeb ki Gideon sa ibong kan Jordan.

1 Samuel 28:7

Pinagbotan ni Saul an saiyang mga opisyal, “Ihanap nindo ako nin sarong babaeng espiritista, tanganing magduman ako asin makihumapot saiya.” “Igwa nin saro sa Endor,” an simbag ninda.