Salmo 81:2 - Marahay na Bareta Biblia

² Kosogon an awit, patanogon an mga tamborin; magtugtog sa mahamis na tanog kan mga arpa saka lira.

Salmo 81:2 ပူးပေါင်းရင်းမြစ်များ

Nehemias 12:42

Kasunod ninda si Maaseias, Semaias, Eleazar, Uzzi, Jehohanan, Malkias, Elam, asin Ezer. Nagkanta an koro sa pamayo ni Jezrahias.

Salmo 59:17

O sakong kosog, aawitan taka nin mga kaomawan, huli ta ika, O Dios, an sakuyang bantayan, an Dios na nagpahiling sako nin danay na pagkamoot.

Salmo 92:3

sa tugtog nin plawta asin nin arpa asin sa tanog nin lira.

Exodo 15:20

Si Miriam, an propetang tugang ni Aaron, nagkua kan saiyang tamborin, dangan nagsurunod saiya an gabos na kababaehan na nagtutugtog kan saindang mga tamborin asin nagsasayaw.

Markos 14:26

Pakatapos nindang mag-awit nin himno, nagduman sinda sa Bukid nin mga Oliba.

Efeso 5:19

Mag-orolay kamo sa paagi nin mga salmo, himno saka mga banal na awit; mag-awit kamo nin mga himno saka mga salmo sa Kagurangnan na nasa puso an pag-omaw saiya.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Santiago 5:13

Igwa diyan saindo na napupurisaw? Dapat siyang mamibi. Igwa diyan saindong maogma? Mag-awit nin mga pag-omaw.