Salmo 81:12 - Marahay na Bareta Biblia

¹² Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Salmo 81:12 ပူးပေါင်းရင်းမြစ်များ

Genesis 6:3

Dangan nagtaram an Kagurangnan, “Dai ko tutugotan na mabuhay sagkod lamang an tawo; siya may kagadanan. Poon ngunyan, sagkod sana sa syento beynteng taon an magigin buhay niya.”

2 Mga Hade 18:12

Nangyari ini sa Samaria huli ta dai dinangog kan mga Israelita an Kagurangnan na saindang Dios; linapas ninda an saiyang tipan asin an gabos na pagboot ni Moises na sorogoon nin Kagurangnan. Habo sindang maghinanyog asin magkuyog.

Nehemias 9:16

Alagad an samong mga ginikanan nagin mapaabaw-abaw saka matagas an payo, asin dai ninda inotob an saimong mga togon.

An Libro ni Job 8:4

Kun nagkasala an saimong mga aki tumang saiya, pinadusahan na niya sinda kan maninigo sainda.

Exodo 11:9

Tinaraman nin Kagurangnan si Moises, “Dai ka dadangogon kan hade tanganing ikapahiling ko sa Egipto an dakul pang ngangalasan.”

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 42:24

Siisay an nagtao kan Israel sa mga parasamsam? Bakong an Kagurangnan mismo, na satong pinagkasalaan? Habo tang mamuhay sosog sa saiyang kabotan o magkuyog kan itinao niyang katukdoan.

Jeremias 42:21

Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Oseas 9:17

An Dios na sakong pinaglilingkodan masikwal kan saiyang banwaan, huli ta dai sinda nagdangog sa saiya; magigin mga lagalag sinda sa mga nasyon.

Levitico 26:14

“Alagad kun dai nindo ako dangogon asin dai nindo gibohon an mga pagboot ko, papadusahan ko kamo.

Mga Gibo 14:16

Kan nakaaging mga panahon, pinabayaan nin Dios an gabos na nasyon na maggibo kan sadiri nindang kabotan.

Mga Gibo 7:42

Huli kaini pinabayaan sinda nin Dios na magsamba sa mga bitoon siring sa nasusurat sa libro kan mga propeta, ‘Banwaan nin Israel, bako ako an dinolotan nindo kan mga binunong hayop duman sa kalangtadan sa laog nin kwarentang taon.

Roma 1:24

Kaya pinabayaan sinda nin Dios sa mga maati nindang gibo; naggiribo sinda nin kadustaan sa saindang mga hawak.

1 Samuel 8:19

Alagad habong magdangog an mga tawo ki Samuel, kundi nagsabi, “Dai! Boot ming magkaigwa nin sarong hade