Salmo 80:8 - Marahay na Bareta Biblia

⁸ Sarong ubasan kinua mo hale sa Egipto; pinahale mo an mga nasyon asin itinanom idto.

Salmo 80:8 ပူးပေါင်းရင်းမြစ်များ

Salmo 31:17

Hare ako pagpasopogan, Kagurangnan, huli ta sa saimo ako minaagrangay. Magkasoropog logod an mga tampalasan; daing ribok na makaduman sinda sa Sheol.

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 60:3

Pinasakitan mo nin makuri an saimong banwaan; pinainom mo kami nin arak kaya kami nagsasayasay.

Salmo 78:55

Pinahale niya sa daga an mga nag-eerok duman, mantang nagdadangadang an saiyang banwaan; binanga niya an saindang daga sa mga tribu nin Israel asin itinao sa mga Israelita an saindang mga harong.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Ezekiel 15:6

Kaya ini an tataramon nin Kagurangnan Dios: “Siring na an sarong balagon kinukua sa kadlagan dangan sinusulo, siring man kukuahon ko an mga nag-eerok sa Jerusalem

Ezekiel 17:6

Nagtalubo an tinanom asin nagin sarong hababa saka marambong na balagon nin ubas. An mga sanga nagtalubo paitaas, sa direksyon kan agila, asin an mga gamot uminirarom nin marahay. An balagon napano nin mga sanga saka mga dahon.

Ezekiel 19:10

An saimong ina arog sa sarong tinanom na ubas, na itinanom sa tampi nin sapa. Huli ta dakul an tubig, an tinanom nagin madahon saka mabunga.

Mga Gibo 7:45

Minana idto kan satong mga ginikanan, dinara sa daga na kinua ninda sa mga tawong ipinadaog nin Dios sa pangengenot ni Josue. Nagdanay iyan duman sagkod sa panahon ni David

Josue 13:6

Kabilang digdi an gabos na teritoryo kan mga Sidoneo na nag-eerok sa mabulod na daga sa pagultanan kan Kabukidan nin Lebanon asin Misrefot-maim. Papahaleon ko an mga tawong ini sa pagdangadang kan mga Israelita. Kaipuhan hirason mo an daga sa mga Israelita siring sa ipinagboot kong gibohon mo.