Salmo 8:5 - Marahay na Bareta Biblia

⁵ Alagad ginibo mo siyang hababang kadikit sa mga anghel. Kinoronahan mo siya nin kamurawayan asin kaomawan.

Salmo 8:5 ပူးပေါင်းရင်းမြစ်များ

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

2 Samuel 14:29

Dangan ipinaapod ni Absalom si Joab tanganing pakiolayan na magduman sa hade para saiya; alagad dai nagduman si Joab. Ipinaapod giraray ni Absalom si Joab, alagad dai man giraray ini nagduman.

An Libro ni Job 7:17

“Ano an tawo, ta pinapahalagahan mo nin marahay? Tadaw ta tinatawan mo nin halaga an mga ginigibo niya?

Salmo 103:20

Mag-omaw kamo sa Kagurangnan, kamong makosog asin mapangyaring mga anghel, na nag-ootob kan saiyang mga kabotan, na naghihinanyog kan saiyang mga itinaram.

Salmo 103:4

Buhay ko iliniligtas sa lulubngan; benebendisyonan niya ako nin danay na pagkamoot asin pagkaherak.

Salmo 144:3

Kagurangnan, ano an tawo ta minimidbid mo; tadaw ta siya pinapahalagahan mo?

Salmo 45:6

An banal mong trono magdadanay sagkod lamang. Setro nin katanosan an setro nin saimong kahadean;

Efeso 1:21

Sakop duman ni Cristo an gabos na langitnon na paghahade, awtoridad, kapangyarihan, asin mga pamamayo; an ngaran niya mas halangkaw ki sa gabos na ngaran, bako sanang sa panahon na ini kundi sa maabot pa.

Hebreyo 2:16

Malinaw nanggad na bakong an mga anghel an tinatabangan niya, kundi an mga kapagarakian ni Abraham.

Hebreyo 2:7

Sa dikit na panahon ginibo mo siyang mas hababa ki sa mga anghel, alagad kinoronahan mo siya nin kamurawayan asin kaomawan;

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.