Salmo 8:1 - Marahay na Bareta Biblia

¹ O Kagurangnan, samuyang Kagurangnan, dakula an saimong ngaran sa bilog na kinaban! An pag-omaw saimo nakakaabot sa kalangitan;

Salmo 8:1 ပူးပေါင်းရင်းမြစ်များ

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

Salmo 145:1

Oomawon taka, sakuyang Dios asin hade; magpapasalamat ako saimo sagkod pa man.

Salmo 148:13

Omawon nindo an ngaran nin Kagurangnan, huli ta an ngaran niya iyo sana an dakula; an kamurawayan niya halangkaw pa sa langit asin sa daga.

Salmo 36:5

Kagurangnan, an danay mong pagkamoot nakakaabot sa kalangitan; an saimong pagkamaimbod nakakaabot sa kapanganoronan.

Salmo 57:5

O Dios, ipahiling mo sa kalangitan an saimong kadakulaan, asin sa bilog na daga an saimong kamurawayan.

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Salmo 68:4

Mag-awit sa Dios, mag-awit nin pag-omaw sa saiyang ngaran. Andamon an dalan para sa naglulunad sa mga panganoron. Kagurangnan an saiyang ngaran, mag-ogma sa saiyang atubang!

Salmo 8:9

O Kagurangnan, samuyang Kagurangnan, dakula an saimong ngaran sa bilog na kinaban!

Salmo 81:1

Mag-awit nin makosog sa Dios na satong parasurog; magkurahaw kita sa kaogmahan sa Dios ni Jacob!

Salmo 84:1

Magayonon an saimong erokan, O Kagurangnan nin mga hukbo!

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Awit nin mga Awit 5:16

An saiyang ngoso mahamis paghadokan; nakakadagka an bilog niyang pagkatawo. Siring kaiyan an sakong namomotan, mga babae nin Jerusalem.

Isaias 26:13

O Kagurangnan na samong Dios, pinaghadean kami nin iba pwera saimo, alagad ika sana an samong Kagurangnan.

Habakkuk 3:3

Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Mateo 22:45

Kun Kagurangnan an apod saiya ni David, paano siyang magin aki ni David?”

Juan 20:28

Nagsabi si Tomas, “Kagurangnan ko asin Dios ko!”

Efeso 4:10

Kaya an naghilig iyo man sana an nagsakat lampas pa sa kalangitan, tanganing an gabos mapano kan saiyang presensya.

Deuteronomio 28:58

“Kun bako kamong maimbod sa pagkuyog kan mga togon na nasusurat sa librong ini, asin kun dai kamo matakot sa ngaran nin Kagurangnan na saindong Dios,

Filipos 3:8

Sa katotoohan an gabos na bagay ibinibilang kong mayo nin halaga, huli kan bagay na pinakamahalaga—an pakamidbid ki Cristo Jesus na sakong Kagurangnan. Huli saiya itinapok ko an gabos na garo basura, tanganing makamtan ko si Cristo,

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

Kapahayagan 19:6

Dangan nakadangog ako nin ribok na garo tingog kan kadakul na tawo, na garo hinagawak nin dakulang busay saka garo makosog na daguldol. Nadangog ko sindang nagtataram, “Pag-omawon an Dios, huli ta naghahade an Kagurangnan, an satong Dios na Makakamhan!