Salmo 78:71 - Marahay na Bareta Biblia

⁷¹ hale sa pag-ataman kan saiyang mga hayop, tanganing magin pastor ni Jacob na saiyang banwaan, nin Israel na saiyang pamana.

Salmo 78:71 ပူးပေါင်းရင်းမြစ်များ

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Cronica 11:2

Kaidto, maski kan si Saul iyo pa an hade, ika an namayo kan banwaan nin Israel sa gera; nanuga saimo an Kagurangnan na saimong Dios na ika an mangengenot kan saiyang banwaan asin magigin pamayo ninda.”

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Genesis 33:13

Alagad nagsimbag si Jacob, “Aram mo man sana na maluluya pa an mga aki, asin kaipuhan na mangnohon ko an mga ogbon kan karnero saka baka patin an saindang ina. Kun manganaan an mga hayop sa saindang paglakaw sa sarong aldaw, magagadan sinda gabos.

2 Samuel 7:8

“Kaya sabihan mo si David na sakong sorogoon na ako, an Kagurangnan nin mga hukbo, an nagtataram saiya, ‘Kinua taka hale sa pagpastor nin mga karnero sa kaomahan asin ginibo takang hade kan sakong banwaan nin Israel.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

2 Samuel 20:19

Bantog an samong syudad, saro kan pinakamatoninong asin maimbod na syudad sa Israel. Tadaw ta boot mong rumpagon ini? Tano ta boot mong raoton an pamana nin Kagurangnan?”

2 Samuel 24:17

Nahiling ni David an anghel na nanggagadan kan mga tawo, asin sinabihan niya an Kagurangnan, “Ako an nagkasala. Ako an nakaginibo nin maraot. Ano an naginibo kan mga tawong ini? Ako asin an sakong pamilya an padusahan mo.”