Salmo 76:6 - Marahay na Bareta Biblia

⁶ Sa saimong pagtuyaw, O Dios ni Jacob, an lunad asin an kabayo parehong nagadan.

Salmo 76:6 ပူးပေါင်းရင်းမြစ်များ

2 Samuel 10:18

asin napasibog kan mga Israelita an mga Siro. Si David asin an saiyang mga tawohan nakagadan nin syete syentos na mga taga Siria na nakakarwahe asin kwarenta mil na mga nakakabayo. Nalugadan ninda si Sobac, an pamayo kan mga kaiwal, asin nagadan siya duman.

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

Salmo 104:7

Sa pagsagwe mo an mga tubig duminurulag; nagharale pakadangog kan saimong daguldol.

Salmo 18:15

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon mo an saimong mga kaiwal, Kagurangnan, asin kurahawan sinda sa kaanggotan.

Salmo 80:16

Sinulo iyan nin mga kaiwal asin pinalod; hilinga sinda asin tunawa kan saimong kaanggotan.

Exodo 15:1

Dangan si Moises asin an mga Israelita nagkanta kaining awit sa Kagurangnan: “An Kagurangnan sakong aawitan huli ta dakulang panggana saiyang nakamtan; mga kabayo asin mga lunad man itinapok niya sa kadagatan.

Exodo 15:10

Alagad sa saro mong hinangos, O Kagurangnan, an mga Egipcio nalamos, siring sa timga na nag-irarom tolos.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Jeremias 51:39

Mga unason daw sinda? Ipag-aandam ko sinda nin sarong bangkete, saka buburaton ko sinda asin papaogmahon. Makatorog sinda asin dai na nanggad magigimata.

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Ezekiel 39:20

Sa sakuyang lamesa, kakakanon ninda an mga kabayo asin an mga lunad kaini, sagkod an mga soldados saka mga paralaban. Ako, an Kagurangnan Dios, an nagtaram.”

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Nahum 2:13

“Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Nahum 3:18

Emperador nin Asiria, garadan na an saimong mga gobernador, asin nagkakatorog na sagkod pa man an saimong mga ginagalangan na mga lalaki! An saimong mga nasasakopan nagkawararak na sa kabukidan, asin mayo nin madara sainda pabalik sa saindang mga harong.

Zacarias 12:4

Sa panahon na iyan, tatakoton ko an gabos nindang kabayo asin riribongon ko an mga nakalunad diyan. Babantayan ko an banwaan nin Juda, alagad bubutahon ko an mga kabayo kan saindang mga kaiwal.

1 Samuel 26:12

Kaya kinua ni David an garod asin an dulay sa may pamayohan ni Saul, dangan naghale na sindang duwa. Mayo nin siisay man na nakahiling o nakaaram kan nangyari; mayo nin nagimata—tororog sinda gabos, huli ta pinakatorog sindang marahay nin Kagurangnan.