Salmo 74:20 - Marahay na Bareta Biblia

²⁰ Giromdoma an tipan na ginibo mo samuya; huli ta pano nin kadahasan an lambang kanto kan daga.

Salmo 74:20 ပူးပေါင်းရင်းမြစ်များ

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

Salmo 105:8

An saiyang tipan ginigiromdom niya sagkod pa man, an saiyang panuga para sa rinibong henerasyon;

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 5:8

Kagurangnan, kadakul kan sakong mga kaiwal! Pangenote ako sa paggibo kan saimong kabotan; pantaya an saimong dalan na sakong aagihan.

Salmo 89:28

Danay kong ootobon an sakuyang panuga saiya, magdadanay an sakuyang tipan saiya.

Salmo 89:39

Linapas mo an tipan sa saimong sorogoon; an saiyang korona itinapok mo sa laboy.

Jeremias 14:21

Giromdoma an saimong mga panuga asin dai mo kami ipagsikwal; dai mo paghalean nin onra an Jerusalem, an namumugtakan kan mamuraway mong trono. Dai mo paglapason an tipan na ginibo mo samo.

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 9:27

Giromdoma an saimong mga sorogoon na si Abraham, si Isaac saka si Jacob; pabayaan mo an katagasan nin payo kan mga tawong iyan, an saindang karatan asin kasalan;

Hebreyo 8:10

Ngunyan, ini an gigibohon kong tipan sa banwaan nin Israel, pakalihis kan mga aldaw na idto, an sabi nin Kagurangnan: Ibubugtak ko an sakong mga katogonan sa saindang mga isip, isusurat ko an mga iyan sa saindang mga puso. Ako magigin Dios ninda; sinda an magigin banwaan ko.