Salmo 73:9 - Marahay na Bareta Biblia

⁹ Nagtataram sinda nin maraot tumang sa Dios sa langit, mga tawo pinagbobotan ninda sa bilog na daga.

Salmo 73:9 ပူးပေါင်းရင်းမြစ်များ

2 Mga Cronica 32:15

Kaya dai kamo magpadaya o magpadagka ki Ezekias sa siring na paagi. Dai kamo magtubod saiya, huli ta mayo pang dios nin arin man na nasyon o kahadean na nagligtas kan saiyang banwaan sa sakong kamot o sa kamot kan sakuyang mga ginikanan. Kaya dai man kamo ikakaligtas sa sakong mga kamot kan saindong dios!”

An Libro ni Job 21:14

“Sinasabihan ninda an Dios, ‘Humale ka samo. Dai nyamo mawot na maaraman an saimong kabotan.

Salmo 52:4

Namomotan mo an pagratak sa iba, na nakakakulog, O dila na madaya.

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Lukas 18:4

Haloy nang nagparasayuma an hukom, alagad sa kahuri-hurihi nagsaboot siya, ‘Dawa dai ako natatakot sa Dios, saka mayong ginagalangan na siisay man na tawo,

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

Kapahayagan 13:6

Naglanghad mananggad siya sa Dios asin sa ngaran saka erokan nin Dios sagkod sa gabos na yaon sa langit.