Salmo 72:7 - Marahay na Bareta Biblia

⁷ Magburak logod an katanosan sa saiyang kapanahonan, asin magsupay logod an katoninongan, sagkod na nagliliwanag an bulan.

Salmo 72:7 ပူးပေါင်းရင်းမြစ်များ

1 Mga Hade 4:25

Mantang nabubuhay pa siya, ligtas na namuhay an mga tawo sa Juda asin sa Israel. An lambang pamilya igwa nin sadiring mga poon nin ubas asin higera.

1 Mga Hade 5:4

Alagad ngunyan tinawan ako nin Kagurangnan na sakong Dios nin katoninongan sa gabos kong pagdolonan. Mayo na ako nin kaiwal asin mayo nang paghandal na tibaad salakayon.

Salmo 92:12

Siring sa palma mauswag an mga matanos na tawo; matalubo sinda arog kan sedro sa Lebanon.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 60:1

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin Kagurangnan!

Isaias 60:22

Maski an pinakasadit saka pinakamapakumbaba sa saimong mga pamilya magigin dakula siring sa sarong mapangyaring nasyon. Papangyarihon ko ini sa tamang panahon na dai na mahahaloy. Ako an Kagurangnan!”

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Zacarias 9:10

Nagtataram an Kagurangnan, “Hahaleon ko an mga panggerang karwahe sa Israel asin an mga kabayo sa Jerusalem; an mga pana na ginagamit sa gera magkakararaot. An saindong hade makikipagtipan nin katoninongan sa mga nasyon; an pagdolonan kan saiyang kahadean mapoon sa dagat sagkod sa saro pang dagat, mapoon sa Salog nin Eufrates sagkod sa mga poro kan kinaban.”

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Lukas 1:33

Maghahade siya sa kapagarakian ni Jacob sagkod lamang; an saiyang kahadean mayo nin kataposan!”

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Mga Gibo 4:32

An gabos na paratubod nagkasararo sa isip asin sa puso. Mayo nin nagsabi na an sadiri niya saiya sana, kundi an gabos na bagay sadiri kan gabos.