Salmo 72:18 - Marahay na Bareta Biblia

¹⁸ Pag-omawon an Kagurangnan, an Dios nin Israel! Siya sana an naggigibo nin makangangalas na mga bagay.

Salmo 72:18 ပူးပေါင်းရင်းမြစ်များ

1 Mga Cronica 29:10

Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

1 Mga Cronica 29:20

Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

An Libro ni Job 9:10

Dai ta masasabotan an dakulang mga bagay na saiyang ginigibo; dai ta mabibilang an saiyang mga milagro.

Salmo 106:48

Pag-omawon an Kagurangnan, an Dios nin Israel, ngunyan asin sagkod pa man! Gabos na banwaan magsabing, “Amen!” Omawon an Kagurangnan!

Salmo 136:4

Siya sana an nakakagibo nin darakulang ngangalasan; an saiyang pagkamoot mayo nin kataposan.

Salmo 41:13

Pag-omawon an Kagurangnan, an Dios nin Israel; ngunyan asin sagkod pa man! Amen! Amen!

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Salmo 77:14

Ika an Dios na naggigibo nin mga ngangalasan; an saimong kosog ipinahiling mo sa mga banwaan.

Salmo 77:15

Huli kan saimong kapangyarihan ilinigtas mo an saimong banwaan, an kapagarakian ni Jacob asin ni Jose.

Salmo 86:10

Dakula ka asin naggigibo nin mga ngangalasan; ika sana nanggad an Dios.

Salmo 98:1

Mag-awit nin bagong awit sa Kagurangnan, huli ta guminibo siya nin mga ngangalasan! Sa sadiri niyang kapangyarihan asin banal na kosog nakamtan niya an kapangganahan.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?